Joan den asteartean, hiru herrietako (Donoztiri, Donamartiri eta Aiherrako) 52 jendek parte hartu dute Gernika Hegoaldeko ateraldian.

Goizeko 7:30etan abiaturik Donoztiritik, udaletxearen aitzinean helduak ginen hamar orenak aitzin. 10:30etan han ginen Violeta gure gidariaren xehetasun zehatzak eskuratzeko Juan Sebastian Elkano euskaldun marinel ospetsuari buruz. Elkano 1486an sortua Getarian eta zendu zen 1526an itsaso Pazifikoan.

Gizon horrek zuen kausitu lehen aldikoz itsasuntzizmunduaren itzulia egitea 1519tik 1522ra. Magallanes marinelak abiatua zuen itzulia zuen bururatu.

Gero elizarat buruz joan ginen bisita segitzeko. Bisita bururatzean ohartu ginen Violeta gure gidaria euskaraz mintzatzen zela biziki ongi.

Eguerdi irian joan ginen Azkue ostaturat apairu on baten jaterat.

Ongi bazkaldu ondoan arratsaldeko bisitarat hurbildu ginen, Kristobal Balenciaga Eizaguirre jostun handiaren museora. Erakustoki hortan ikus ditezke jostun horrek asmatu eta josi zituen arropak. Egun goxoa pasatu ondoan, azken bisita bururatzean abiatu ginen etxerat buruz.