Zine gaualdia

Ekainaren 13an, larunbatez (19:30), zine gaualdia iraganen da Ahaize mendiko plazan, “20.000 erle espezie” filmaren proiekzioarekin. Huna sinopsia: “Cocok zortzi urte ditu eta bere nortasunari buruzko hainbat galdera. Udako bakantzetan, familiarekin, amatxi eta ttantta erlezaina bisitatzera joanen da. 20.000 erle-espezie desberdin existitzen diren mundu batean, segur Cocok egokitzen zaion nortasuna aurkituko duela”.

Gazteleraz eta euskaraz izanen da, euskarazko azpitituluekin.

Ekitaldi hau Xarbota elkarteak antolatzen du, Ortzaizeko Herriko Etxearen laguntzarekin.

Menta liburudenda sustengatzeko helburuarekin, 2025ean sortu zen Xarbota elkartea, liburudendan edo Ortzaizeko herrian eta inguruetan kultur gertakariak proposatzeko asmoz.

Proiekzioa aitzin DJ Astak izanen da. Jateko eta edatekoa izanen da.

3838. zbk

Gure Hitza | 2026/06/11

Egin dezatela bide!

Menane Oxandabaratz

Aurten Euskal Herria Zuzenean festibala Arberatzen ekainaren 26, 27 eta 28an iraganen da, 30 urteak ospatuko dira. Lehen edizioa Arrosan iragan bazen, geroztik bide egin du, Idauze-Menditik… Heletara, Lekornetik… Irisarrira, Arberatzen gelditua dela.

Joan den ostegunean Donapaleun EHZko antolatzaileek “Auzolanaren lurretan” liburua aurkeztu dute, 30 urtez ibili diren laguntzaileak presente ziren. Tarteka gertakari baten inguruan familia biltzen den bezala, joan den ostegunean EHZko komunitatea bildu da.

EHZ festibala antolatzen dutenek ardura handia hartzen dute, militanteak dira. Urte guzian bilkurak eginak dira, prestakuntza handia delako denak ongi gogoetatu behar dira. Milaka jende hurbiltzen dituen hiru eguneko ekitaldi baten kudeatzeko ardurak hartzen dira, egoera batzuk bat-batean kudeatzen dira, gauaz ala egunaz adi egon...

Irakurri segida

Gurekin harremanetan sar