Elkar sorkuntza tailerra

Artpiculture elkarteak buraso eta haurren (6 urtetik goiti) elkar sorkuntza tailerra antolatzen du Salha jauregian arte erakusketaren kari, ekainaren 24an, asteazkenarekin (15:00-17:00). Programan: naturarekin lotzeko, goxoan ibiltzeko eta haizea eta loreak usaintzeko kanpoan denbora bat, eta gero Louisa Raddatzen lanetan inspiratuz, erleen omenez sortzeko momentua barnean. Leku mugatuak. Xehetasunak ukaiteko edo izena emateko: aude.b@artpiculture.org edo 06-18-64-43-54.

3838. zbk

Gure Hitza | 2026/06/11

Egin dezatela bide!

Menane Oxandabaratz

Aurten Euskal Herria Zuzenean festibala Arberatzen ekainaren 26, 27 eta 28an iraganen da, 30 urteak ospatuko dira. Lehen edizioa Arrosan iragan bazen, geroztik bide egin du, Idauze-Menditik… Heletara, Lekornetik… Irisarrira, Arberatzen gelditua dela.

Joan den ostegunean Donapaleun EHZko antolatzaileek “Auzolanaren lurretan” liburua aurkeztu dute, 30 urtez ibili diren laguntzaileak presente ziren. Tarteka gertakari baten inguruan familia biltzen den bezala, joan den ostegunean EHZko komunitatea bildu da.

EHZ festibala antolatzen dutenek ardura handia hartzen dute, militanteak dira. Urte guzian bilkurak eginak dira, prestakuntza handia delako denak ongi gogoetatu behar dira. Milaka jende hurbiltzen dituen hiru eguneko ekitaldi baten kudeatzeko ardurak hartzen dira, egoera batzuk bat-batean kudeatzen dira, gauaz ala egunaz adi egon...

Irakurri segida

Gurekin harremanetan sar