Eskubaloia

Goresmenak US Nafarroako andere eskubaloilarieri! Lehen mailako taldea Akitania Berriko txapeldun da, finalean Sud Deux Sevres-eko taldeari nagusiturik 30/20. Sasoineko zoingehiagoka guziak irabazi dituzte funtsean. 2. taldeak haatik departamenduko finala galdu du. Gure Baigorriko herria ederki ordezkatua da US Nafarroako eskubaloi hortan, Laura Jauretche, Kattin Bascans, Ana Izoco eta Naiara Arangoitzekin bereziki, lehen ekipako trebatzaileetarik bat den Franck Sallaberry ahantzi gabe. Orain langile bat bilatzen dute gazteez arduratzeko eta denak presatuak dira Baigorriko eskubaloi gela berria eraikia izan dadin. Hau prest izan behar laike heldu den urteko.

Kermeza

Gure parropiako kermeza uztailaren 5ean iragaitekoa da, igandearekin. Egitaraua:

(9:00) meza Irulegin, (10:30) meza Baigorrin, (12:00) aperitifa eta bazkaria Plaza Xokon, (16:00) animazioak, haurren jokoak, errotak, (17:00) talo eta xingar.

Izen emaiteakbaitezpadakoak dira bazkaria eremaiteko edo lekuan berean jateko, ekainaren 28a gabe: Catherine Oronos 05-59-37-40-34 edo Jacqueline Handia 05-59-37-18-83.

Zuen sariak ongietorriak dira, janari, erosketa txartelak edo beste, Bil Etxea gelan pausatuz.

Parropiaren egun hori izan dadila belaunaldi guzien arteko ezagutza, gurutzatze, elkartasun eta zorion gertakaria!