Pilota

Finalean

Aldi huntan ere berri onak nagusi. Palantxan, Challenge National lehiaketaren kondu, pilota hutsean, Elaia Bidart eta Lore Acheritogaray gure gazteek finalerdietan irabazi dute 14-15,15-13,10-05, Eskiularrak 2-ren aurka, Uztaritzeko trinketean. Orain, Elaia eta Lorek finala jokatuko dute Eskiularrak 1-en parean, ontsalaz heldu den igande goizean Uztaritzen.

Beti neskekin segituz, Pilotarienak lehiaketan, xitoetan pilota elkarteko bi parek final-laurdenetan irabazi dute. Irisartarrak 1-eko Luma Monaco-Elaia Gastellu nagusitu zaizkio 15-06, 15-09 Senpereri. Finalerdietan, Luma eta Elaia, Zaharrer Segikoen parean arizan beharko dira.

Irisartarrak 2-ko Gana Urruty Echeverria-Jaima Langlade Larçabalek ere irabazi dute 15-12, 15-07, Denek Bat-ekoen parean. Finalerdietan, Abarratiakoekin haitadan arizan beharko dira.

Esku-huska

Hemen, bi parek final-laurdenak jokatzen zituzten. Bigarren mailako Bidart-Etchegarayk eraman dute 30-20 Atzarriko Etcheverry-Urrutiaren parean, Zuraideko kantxan. Finalerdietan, Paolo eta Julien Denek Bat-eko Cachenaut-Urrutyren parean ariko dira.

Irabazle ere hirugarren mailako Mollon-Bidart, 30-20 garaituz Abarratiakoak! Finalerdietan Amikuzeko Ayçaguer-Vignauren aurka lehiatu beharko dira. Beraz, emaitza onak, bai neska eta mutikoentzat eta bereziki Bidart familiako Elaia, Xan eta Paolo haurrideentzat!