Ezkontza Buruilaren 7an, Gaineko Karrikan, Bixta Eder etxeko alaba Bérangère Titlik biziko laguntzat hartu du Grégoire Raphaël Doyen, Saint Germain de Luzignan- ekoa. Biak jendarma, beren ofizioa segituko dute Charentes departamenduan. Gure goresmenak eta agiantza hoberenak doatzi ezkondu berrieri eta agurrak beren burasoeri. Bestalde, joan den larunbatean Luhusoko eliza obretan izanez, herri hortara etorri berri den Joelle Ihidoy eta Nahuel Biancolini bikote gazteak ere gure elizan hartu du ezkontzako sakramendua. Goresmenak eta agiantza hoberenak bikote gazte huni ere. Heriotze Joan den astean, lur huntako azken bidean lagundu dugu Marcel Trounday, Haritzalde Xapatandeiko semea. Ezkongabea, jite handia zuen mekanikarako eta horrela, bere lan denboran beti etxera bilduz tresna eta kamioi gidari ibili da inguruko enpresetan. Frango gaztea zelarik oraino osagarri arrangura larriak jasanak zituen. Hauek gainditurik, geroago ere berriz arazo berekin iragan ditu azken urteak eta Izpuran pausatu da 80 urteak betetzera zoala. Gizon zintzoa eta lagunkinaren oroitzapena uzten dauku. Dolumin bizienak helarazten ditugu doluan den familia guziari