Urgazietako pestak Asteburu huntan ditugu "Les Salines" Beskoitze auzogune hortako pestak San Mixelen kari. Pesta horiek Lokarri ezker pareta gunean iraganen dira. Huna pesten egitaraua: Ortziralean: (19:00) mus eta belote txapelketa. Ostatuan taloak eta lursagar fritak gau guzian. Larunbatean: (9:00) Urgazietako itzulia lasterka edo oinez, ondotik zintzur bustitze eta pintxoak parte hartzaileer eskainia. (15:00) Oreka Zirkoa haurren pesta eta ondotik atsaskaria. (17:30) Behi lasterketak, (21:30) Diabolo Kiwiren kontzertua eta ondotik dantzaldia Holako De Luxe taldearekin. Igandean: (10:30) Meza nagusia karpa pean, (12:00) Komiteak eskainitako Zintzur Bustitzea, ondotik pesten bazkaria Eizmendi janari prestatzaile ospetsuaren bidez. Baga Biga taldeak alaiturik. Arratsean: Mozorro gaua "Chasse pêche tradition" lemarekin, kasu armak utzi etxean!! Beskoiztar, Herriko Etxe, partaide elkartu Laguntza guziagatik, herria indartu Zueri esker baitira besta hauek agertu Komiteak nahi ditu guziak eskertu