Xalbadorren eguna 2019 Urriaren 12an eta 13an eginen da, Deiadarra taldeak antolatua, 2004 urteaz geroz beti egin den bezala. Xalbador bertsularia ez ezik, bertsulariak eta euskal kultur munduko beste pertsona ezagun asko gogoratu eta omendu izan da hamabost urte horietan, eta hamaseigarren honetan honakoak gogoratu eta omenduko dira: Pierra Topet Etxahun Barkoxe, Xalbadorren lagun min eta bertsu-lagun izan ziren, Jon Mugartegi eta Jon Lopategi. Egitaraua: Urriaren 12, larunbata (20:00): antzerki emanaldia Etxahun Barkoxe gaia hartutarik, Michel Etxekopar eta Xiberutarrek antolaturik. "Gaztelondon Zer Berri?": Barkoxeko Pierra Topet Etxahunen obratik, bai eta alde haietako girotik sortu ikusgarria ; (21:30) lagun arteko afaria Urepele eta euskal musika, herriko pilotalekuan. Urriaren 13a, igandea: (9:00) Xalbadorren etxolara mendi-ibilaldia, etxola eta Urepele ezagutuz, (10:30) meza, (11:15) hitzaldia Etxahun Barkoxe, Jon Lopategi eta Jon Mugartegi gogoratuz, eskolan, Joxe-Mari Iriondoren eskutik. (11:30) Bilboko Salbatzaile dantza taldearen saioa, (13:00) herri kirolak: herriko plazan zoin gehiagoka Donazaharre eta Mutrikuko taldeak. Ikusgarria: sokatira, sega, orga altxatzea eta lasto altxatzea, (14:00) bazkaria eta bertsuak, pilotalekuan, (15:30) haurren xokoa: aurpegi-pintatzeko tailerrak. Bertsu saioa: Xebastian Lizaso, Juan Joxe Eizmendi Loidisaletxe, Onintza Enbeita eta Maialen Arzallus. Ondotik erromeria, trikitilariekin.