Zoe Bray pintore naturalista da, Charles H. Cecil-en atelierrean eta Italiako Florentziako Florence Academy eskolan formatua. Antropologoa ere da, eta Europako Institutu Unibertsitarioko doktoregoa badu. Italian, Frantzian, Espainian, Alemanian, Israelen, Palestinan eta Ameriketako Estatu Batuetan lan egin du. Bere potretak erakutsi eta zuzenean pintatu ditu New Yorkeko Historia natural amerikarreko museoan, Austingo Blanton Museoan (Texas), Chicago Arts Incubator eremuan eta Jerusalemgo Beita zentroan. Antropologo-pintore gisa, ZOEri nortasunaren izaera isurkorra interesatzen zaio, moldegabea eta etengabe aldatzen ari, mundu batean non beti birnazionalizatua eta esentzializatua baita. Oraingo erakusketak euskal nortasuna Ipar Amerikako mendebaldean ikertzen duten obrak aurkezten ditu. Potret horietarik batzuk Ameriketako Estatu Batuetan erakutsiak izan dira jada, Euskal Herrira bidaiatu baino lehen. Baionako Euskal Museoan erakutsiak izan ondotik, Euskal Herriko beste leku batzutara joanen dira, irudikatu pertsonek beren jatorria marrazten duten tokietarik hurbil. Gero, Ameriketako Estatu Batuetara itzuliko dira. Egiten ari den lan bat da, nun helburua Ipar Amerikako mendebaldeko euskaldunen eta euskal nortasunaren artxibo pertsonal ikusgarri bat egitea baita. Urriaren 1ean (18:00) Euskal Museoan Zoe Brayren margo erakusketaren estreinaldia iraganen da. Urriaren 2tik azaroaren 17a arte ikusgai izanen da.