Kantaldi Ortzirale huntan irailaren 27an (20:00) kantaldi bat iraganen da Arruntzako elizan. Kantaldia emana izanen da Baionako ospitalean diren haur erien fagoretan. Bi talde entzunen dira aldizkatuz: Baionako Bestela eta Uztaritzeko Josteta, biak gizon koruak. Diru laguntzan parte hartzea libre utzia izanen da entzule bakotxarentzat. Kantaldiaren ondotik publikoarentzat talo jate eta edariak segurtatuak dira Aldacourou gelan. Ongi etorri deneri Lapurtarrak abesbatzak 30 urte Lapurtarrak abesbatzak bere 30 urteak ospatuko ditu urriaren 5ean Uztaritzen. Musika eta kantu egitarau aberats batekin kontzertu bat antolatuko dute larunbat aratsalde apalean. Hautetsi, gomitatu berezi, kantari eta musikariekin harrera batek segituko du Lapurdi gelan. Igandearekin 6an segituko da meza nagusian parte hartze batekin eta kantarien bazkari batekin. Bi egun horietaz argitasun zehatz gehiago heldu den astean. Aste urdina CCAS edo herriko laguntza sozialen zentroak ''aste urdina'' antolatzen du urriaren 7tik 12ra. Ekintza horren helburua da jende adinetakoen eta gazteen arteko harremanak sakontzea besta gisako ekintza batzuk antolatuz han eta hemen, bereziki xahar etxeetan. Huna aurtengoarentzat proposatzen duten egitaraua: astelehenez 7an (10:00-12:00), adinekoen gimnastika Osasuna elkarteak lagundurik Bilgunen; (14:30- 17:00) zozketa handi bat Eliza Hegi xahar etxean. Asteartez 8an (15:00-16:00), mutxikoak Andaula xahar etxean Ur Begi elkarteko dantzariak lagun. Asteazkenez 9an belaunaldien bi topaketa, (13:00-15:00) Andaulan eta (15:00-17:00) Idekia eskola publikoko aisialdi zentroan eskolako haurrekin eta Uztaritzen kantuz taldearen parte hartzearekin. Ortzegunez 10ean (14:30-16:00) te dantzaldia akordeoilari batekin eta San Josep lizeoko gazteekin Lapurdi gelan. Ortziralez 11n (10:00-11:00), adinekoen gimnastika Osasunarekin Bilgunen; (15:00-16:00) mutxikoak Ur Begi elkartea beti lagun Eliza Hegi xahar etxean. Larunbatarekin 12an (9:45- 11:00) ''Agur Animaliak'' elkartearekin animazio bat, Zirga bidean ibilaldia eta ondotik Uztaritze-Tolosa senidetzarekin elgarretaratzea Hiribehereko plazan; tokian merkatuaren animazioa Labourdins elkarteko musikariek segurtatuko dute eta eguerditan mutxikoak Erdizka taldearekin. Ekitaldi guziak urririk dira bainan parte hartzeko beharrezkoa da izenak emaitea CCAS-era (Aurore edo Laurence) telefonoa: 05 59 93 38 91. Interesatuek autorik edo ibil molderik ez badute Herriko Etxeko autoak ibiliko dira jenden biltzen bainan izenak aitzinetik emanik telefono berera. Izen emaiteko azken epea urriaren 2a. Aste urdin on deneri.