Costa-Gavras zinegileak jaso
du 2019ko Zinemaldiaren lehen Donostia
Saria. "Oso ohore handia"
dela erran du Gavrasek, zinegileek
"uste dugulako ez dela oso ezagunak
diren sari horietako bat", baina "asko
preziatua" da. "Oso harro nago, eta
ohore handia izan da, miresten ditudan
beste lankideek ere jaso dutelako",
nabarmendu du. Gipuzkoako hiriburuko
publikoaren aurrean Adults in the
room pelikula aurkeztu du, Yanis Varoufakis
Greziako Finantza ministro ohiaren
bizitza politikoaren zati bat aipatuz.
Zuzendariak prentsaurreko batean
erran duenez, ministro ohia "autore
bikaina" eta "ekonomia irakasle ona"
da, baita "pertsona benetan ausarta".
Zuzendaria kezkatua agertu da "faxismoa
Europara itzultzen ari delako oso
modu herrikoian, eta inork ez du ulertzen
zergatik". Gavras-ek nabarmendu
duenez, lehenagoko belaunaldi batek
"oso ondo ezagutzen ditu" faxismoen
emaitzak, eta konbentzituta dago Europan
ez dutela denbora nahikoa eman
gai horiei buruz irakasteko. "Badakigu
boterean daudenean oso emaitza negatiboak
dituztela", erran du.
Iruñea-Veleia Arabako arkeologia aztarnategiko
idatzi batzuen ustezko faltsutzearen
inguruko epaiketa 2020ko
otsailaren 3an hastekoa da, baina
lehenago, urriaren 14an, akusazio eta
akusatuak batuko dituzte epaiketaren
inguruko hainbat gai zehazteko.
Zalantzan ezarri dituzten aurkikuntzen
berri eman zuten akusatuek 2005 eta
2006 urteetan, aztarnategiaren kudeaketa
Lurmen Gilen enpresari zegokionean.
Zeramikaren gainean idatzitako
grafitoak historikotzat aurkeztu
zituzten, horietan oinarrituta baiezta
baitzitekeen, III. mendean euskara eta
Kristautasuna inguruan zabalduta zeudela.
Alabaina, itxura denez, akusatuek
egin zituzten. Arabako Fiskaltzak bost
urte eta erdiko kartzela zigorra eskatu
du Gilentzat, ondare historikoaren aurkako
delitu jarraitua eta dokumentu
pribatuen jukutria egiteagatik. Horrez
gain, 7.200 euroko isuna ere eskatu
du. Arabako Foru Aldundia ere akusazioa
da auzi honetan, eta zazpi urte eta
erdira emendatu du Gilentzako zigor
eskaera,...
CAFek 28 tren elektriko eginen
ditu SNCF Frantziako tren konpainia
publikoarentzat, 700 milioi euroren
prezioan, Beasainen egoitza duen
enpresak ohar bidez jakinarazi duenez.
Tren berri batzuk Beasaingo
lantegian eginen dituzte eta beste
batzuk, Bagneres de Bigorreko lantegian.
Konpainiak 30 milioi eurotik
gorako inbertsioak eginen ditu Frantziako
fabrikan. Kontratua oraindik ez
dute sinatu, eta SNCFko administrazio
kontseiluak berretsi beharko du tren
eskaria urriaren 24an eginen duen bilkuran.
Kontratuaren arabera, CAFek
beste 75 tren egiteko aukera izan dezake
Bordele-Marseilla linearentzat.
Lehendabiziko 28 trenak 2023an hasiko
dira erabiltzen, eta gaur egungo
trenak ordezkatuko dituzte (batzuk 40
urte baino gehiago dituzte).
Bestalde, CAFek Frantzian lortzen
duen lehen kontratu handia da, hain
zuzen ere, lehiakide duen Alstom enpresaren
etxean....
Zortzi gazteen defentsak
Auzitegi Nazionalaren epaiaren
kontra aurkeztutako
helegiteak aztertzeko, Auzitegi
Gorenak saio publikoa egin du.
Zigortutako zortzi
gazteak absolbitu edo zigor txikiagoa
jaso behar duten erabakiko du Gorenak
hemendik aurrera,defentsaren
helegiteen nondik norakoak entzun
eta gero.
Auzitegi Nazionalak 2 eta 13 urte
arteko espetxe-zigorrak ezarri zizkien
gazteei, 2016ko urriaren 15ean Nafarroako
herrian izandako liskarraren
harira. Auzitegiak terrorismo delitua
baztertu zuen, baina zigor handiak
ezarri zizkien. Epaia ondoko egunetan
jakiterat emanen du....
2 urteko lanaren ondoren, urrian kaleratuko
du Bernardo Atxagak azken
lana, "Etxeak eta hilobiak". Frantziara
fraideen eskola batera ikastera joan
eta mutututa itzuli den nerabe baten
istorioarekin abiatzen da eleberria.
Sei narrazio ditu guzira, autonomoak
baina aldi berean "unibertso
bakarrean" josten direnak, Atxagak
dioenaz...
Hegoaldean abiatu den ikasturtean,
ikasleen kopurua gutitu da. Hots,
haur gutiago sortzen baita. 374 400
haur sartu dira ume eta lehen maileko
eskoletan: 2 800 gutiago. Ondorioz
48 gela hetsiko
dira. Ikasleen erdiak
(%50,8) sare publikoan sartuko dira
eta %67,8ak D osoki euskarazko ereduan.
3 eta 5 urteko ikasletan %80ak
D eredua aukeratua du;
B elebidunen ereduan
%18,6 eta A gaztelerazko
ereduan %13.6....
Orotarat, 225.000 herritarrek parte
hartu zuten azaroaren 23tik abenduaren
3ra Euskaraldiaren lehen edizioan,
eta 2020ko udazkenean eginen da
bigarren edizioa. Eusko Jaurlaritza,
Nafarroako Gobernua, Euskararen
Erakunde Publikoa, Gipuzkoako
Foru Aldundia eta Topagunearen
lankidetzarekin,
Euskaraldiaren lehen
edizioak herritarren
hizkuntza ohituretan
eragin zuela ondorioztatu du
Soziolinguistika Klusterrak burututako
ikerketak, "Euskaraldiak parte-hartzaileen
hizkuntza-erabileran aldaketa
handiak eragin ditu ariketaren 11 egunetan,
eta hiru hilabete beranduago
aldaketa horiei proportzio altuan eutsi
egin zaie": "euskaraz mintzatzeko
gaitasun txikiagoa dutenek egin dute
aldaketarik handiena; Euskaraldiaren
hasieran euskarazko gaitasun eta
erabilera altua zutenek edo zonalde
oso euskaldunetan bizi zirenek baino
aldaketa handiagoa". Parte-hartzaileen
hizkuntza erabilerari dagokionez
aldaketa handiak ekarri ditu Euskaraldiak
ariketaren 11 egunetan,...
Milaka pertsona bildu dira Bizkaiko
metalgintzako langileek deitu manifestazioan,
lan-hitzarmena berritzea
aldarrikatzeko. 50 mila langilek egiten
dute lan metalgintzaren sektorean
Bizkaian. "Hitzarmen duin baten alde,
Bizkaiko metalgintza greban" goiburupean,
ELA, UGT, CCOO eta LAB sindikatuek
deitu dute manifestazioa. ESK,
USO, CNT eta CGT zentralen babesarekin
; pentsiodunen mugimenduak,
EH Bilduk eta Elkarrekin
Podemosek bat egin dute manifestazioarekin.
Greba egin behar dute, irailaren 30etik
urriaren 4ra. Maiatzean
eta ekaineanbost lanuzte egin zituzten. "Prekaritatearekin
amaituko duen hitzarmen
duina izan behar duela", adierazi dute
sindikatuek....
ETAko presoei laguntza ekartzeagatik
auzipetuak ziren 47 lagunak ez dira
presondegirat joanen. 11/13 izeneko
auzian, akusatuei leporatua zitzaien
ETAko presoei laguntza ekartzea.
Prokuradoreak galdera bakarra egin
die: "Onartzen ahal dituzu leporatzen
zaizkizun delituak?". Auzipetuek,
banan-banan, "bai" erantzun dute.
Ondorioz: 14 eta 8 urte arteko kartzela
eskaeratik, gehienez 3 urte eta erdikora
gutitua izan zaie prokuradoreak
eta auzipetuen defentsak erdietsitako
akordio horri esker, auzipetu gehienek
(45) bi urte eskaseko kartzela
eskaerak onartu dituzte. Beraz, ez dira
kartzelan
sartuko. Arantza Zulueta
eta Jon Enparantza dira salbuespe
bakarra, "buruzagi" izaitea leporatuta,
hiru urte eta erdiko (Zuluetarentzat)
eta bi urte eta zazpi hilabeteko (Enparantzarentzat)
zigor eskaerak onartu
dituzte, baita urtebeteko zaintzapeko
askatasuna ere. Prokuradoreak 14
urteko kartzela
zigorra eskatua zuen
bientzat talde armatuko buruzagi
zirela leporatuta. Zulueta...
EH Bildu koalizio abertzaleak eskatu
du heldu den hauteskunde kanpainan,
kasik eraginik ez botorik ez duten
eskuineko alderdiek (PP, Ciudadanos
eta Vox), Euskal Herriaren gaia, ez dezaten
erabili, botoen lortzeko probokazioa
eginez. EH Bilduko ordezkariak
argitu du ez diotela inori ukatu kanpaina
egiteko eskubidea, baina "probokazio
estrategietan oinarritutako
praktikak" baztertzeko eskatzen
dutela.
Gaitzetsi dituzte, besteak beste,
Vox-ek Bilbon eta Donostian egin
ekitaldiak, Pablo Casado PPko lehendakariak
Altsasuko Koxka tabernan
elkarrizketa bat egin zuenekoa edo
Ciudadanosek Errenterian (Gipuzkoa)
eta Ugaon (Bizkaia) egin zituen ekitaldiak.
"Une eta memento bortitzak
eta liskarrak eragitea baztertu nahi
dugu, ez dezaten elkarbizitza lehertu",
nabarmendu du EH Bilduko ordezkariak.
Aurkeztu duten testuan ez dute
hitz egiten alderdi politiko edo politikari
zehatz bati Hego Euskal Herrian
kanpaina egiteko debekua ezartzeaz.
Legebiltzarreko beste alderdiek,...
Espainian, alderdi politikoek ez dute
azken hauteskundeen ondotik gobernurik
osatu ahal izan. PSOEk, sozialistek
ahalmena bazuten, Podemos,
PNV eta katalandar alderdi baten laguntzari
esker gehiengoa ardiesteko.
Bainan Podemos eta PSOEk ezin izan
dute akordiorik lortu: bakoitzak besteari
bota dio porrotaren erantzukizuna.
Beraz berriz bozkatu beharko dute
Espainiar estatuan azaroaren 10ean...
Amikuztar gazte bat bere aitari toka mintzo
zitzakola kondatu zautan behin adiskide batek.
Badakigu ere euskaraz hitanoa deitzen
den tutoiement delakoa erabiltzen dela aitamekin
frantsesez mintzatzean. Dena den,
ene adiskideari ez zitzakon biziki pollit Amikuztar
gaztearen mintzamoldea; aitortzen
dut neri ere aski bitxi iduritzen zitzautala.
Funtsean, nihaurek noizbait gazte bati ene
harriduraren berri jakinarazi nion bera baino
50 urte gehiago zauzkan lantegiko nagusiari
toka mintzo entzutean. Egia da gure
belaunaldikoer nolazpait erakutsia izan
zaukula, direna gatik errespetu handiagoa
agertzeko, burasoei eta urte parrasta bat
zaharrago diren jende guziei zuka mintzatu
behar zaiela. Halaber, lehen aldikotz elekatzen
ditugunei, eta hurbiletik ezagutzen
ez
ditugunei.
Gertatzen da euskaradunak gero eta gutiago
mintzo direla toka eta noka. Ez da hori
gure belaunaldikoengatik bakarrik, bainan
gaurko haur eta gazte frango zuka mintzo
direlakotz anai-arreben artean...
