Mundu zabalean | 2019ko Irailaren 26a
Uraren kudeantzan ohitura aldaketak
M.L.
2001ean uraren kudeantza sektore publikoaren
esku zen hexagonoko jendetzaren
%28arentzat. Hamasei urte berantago
jendetzaren %40ak publikoki tratatu ura
baliatzen du, dela ikuzteko, jangaien berotzeko
eta edateko. Hots, gero eta hiri eta
herri elkargo gehiagok zuzenean segurtatzen
dute uraren kudeantza. Hemen gaindi
Akize eta Baiona ditugu adibide hoberenak.
Baionaren berezitasuna azpimarratzekoa
da, 1890 urtea aitzinekotzat sortua
baitzuen ur konpainia publikoa. Baionesek
Urtsumendi eta Kanbo Latseko uretik hartzen
dute. Hara hor erakutsia dela kostaldeak
baduela barneko aldearen beharra.
Mundu zabalean | 2019/09/26
M.L.
Europa mendebaleko jendeen artean
garrantzia guti emaiten zaie miliar bat eta
hiru ehun milioi biztanle dituen Txinari,
edo miliarra gainditu berria duen Indiari.
Lehena erhiz erakutsia da mendebaleko
ekonomiari ekartzen liokeen kaltearentzat,
Indiaren izena agertzen da noizean behin
zenbait hegazkin militar erosten dituelarik
Europan. Japonia gogora datorkigu G7 bilkuren
karietara, bat batean ohartzen baikara
munduko eremu aberatsenen zerrendan
dela. Hego eta Ipar Korea ere noiztenka
datozkigu aktualitatera, bereziki bien artean
dituzten harreman konplikatuentzat.
Oro har Asia urruneko kontu lanotsutzat
bezala daukagu.
Aldi honetan larga bistaren fokua zuzenean
eman dugu Hego Korea eta Japoniaren
arteko gerla isil batean. Bien artean
baitirau alabaina gerla isil baina petoak
1945az geroztik. Bigarren munduko gerlaren
kari Japoniak Hego Korea zangopean
atxiki zuen hainbat urtez. Korear emazteak
sexu esklabo erabili zituzten. Historiako
puntu delikatu horri...
Irakurri segida
Mundu zabalean | 2019/09/26
M.L.
Recep Tayyip Erdoganek karguak metatzen
ditu deputatu bozetan berriz pasa
arau. Turkiako presidentearen boterez
gain, gobernu buruzagitza hartu berria
du, hori beti AKP alderdiaren buru segituz.
Horiek aski ez balitu bezala, Turkiako
armadaren buruzagi lehen emana da, eta
finantza politikaren kargua hartu berria du
eskutan. Gider guziak eskutan badirudi
diktadurara doala zuzenean. Nork geldiaraz
dezake?
Hodei batzuk agertzen hasiak zaizkio ordea.
Herriko bozetan Ankara hiri nagusia
eta Istanbul, Turkiako bi hiri handienak
galdu zituen joan den primaderan, ezkerraren
faboretan. Istanbuleko auzapez
berriak prentsaurreko bat ez ohizkoa egin
berria du. Erakutsi ditu aitzineko AKP alderdiko
auzapezak dobletan egin dituen
gastu eta material erosketak. Iragan uztailaren
8an Ali Babacan, AKP alderdiaren
sortzaileak eta ekonomia munduari
hurbiltzen energia anitz eman duenak
alderdia utzi zuen. Irailaren 13an Ahmet
Danutoglu gobernu-buru ohia alderditik
atera da. Egia...
Irakurri segida
Mundu zabalean | 2019/09/26
M.L.
Israeleko deputatu bozen emaitzek alderdien
arteko jokoa zabaldu zuten handi
handia. Sorpresa nagusia izan da zentro-
eskuineko Urdin-Txuri alderdiak Likud
eskuinekoa gainditu duela, bi deputatu
gehiagorekin (33-31). Ondotik palestinarren
koalizioak 13 aulki eskuratu zituen
Israeleko hirugarren alderdia bilakatuz.
Eskuin burukoak oro bat joan balira
32 deputatu bilduko zituzten, baina lau
multzotan joanik, bakoitza hamar aulkiren
pean gelditu da. Judu sefaradek Shass
etiketarekin 9 eskuratu dituzte, Errusiar
etorkiko laikoek (Beiteinu) eta judu askenaziek
zortzina aulki, eta Yamina alderdi
erradikalenak 7. Azken putz gelditu ziren
ezkerreko bi alderdiak: laborista 6rekin
eta koalizio demokratikoa 5ekin.
Hilabeteko epea dute gobernuaren osatzeko.
Benny Gantz Urdin-Txuri alderdikoak
izan behar luke gobernu buru.
Egiazko
hauturik ba ote du gobernu berriaren
osatzeko? Teorian gehiengo erlatibo
bat osatzen ahal luke palestinarrekin
eta ezkerreko bi alderdiekin, 57...
Irakurri segida
