Dolu: joan den astean Maite Hirigoyen-ek 63 urte zituela utzi gaitu eritasun dorpe baten aurka borrokaturik. Anitz maitatua zen Larresoron, herriko elkarte desberdinetan parte hartuz. Iragan diren ehorzketetan omendua izan da, bere iloba eta lagun batek kantatu olerkiekin. Doluminak familia eta adiskide guzieri. Maite maitia Maite zinituen bertsuak Maite zinuen gure hizkuntza Maite pesta Maite irria Maite fandangoa Maite arin-arin Maite itsasoa Maite mendia Maite iguzkia Maite bizia Maite Etengabe Dantzan Gure bihotzetan Milesker Ote Lore eta Debrutegia elkarteetan Eman dituzun indarrentzat Kulturaren biziarazteko Maite Zure izenak Dakar zu zirena Oso osoa. Maitasunez josia, Maitasun iturri Familiarentzat Ingurukoentzat. Luzaz borrokaturik Gaitz larriari ihardukitzeko Azkenean, bai, zango punttetan joan zira, Begiak idekirik, Jakinez eritasunak ez zuela barkatzerik. Gaur, gu guziak umezurtz izanik ere Zure bizi nahiak, Zure alaitasunak, zure indar erraldoiak Bultzatzen gaitu bakotxak ideki eta sinesten Ditugun alorretan segitzen, Bizia altxorra delakotz Eta ez duguna inoiz ere Aski eskertzen. Ez adiorik Maite. Michèle Maite ditugu maite gure bazterrak Baratze bat nahi dauzugu egin gaur ttantta Maite, Mendian larrartean Gure amets eta oroitzapenekin Baratze bat nahi dauzugu egin gaur Esposlagun, ama, amatxi, ahizpa, arreba, ttantta, goxama, koinata, lankide eta bidelagun izan zaitugun guziek. Liliak egun jauntzi ederrenetan Mila kolorez dantzan gure bihotzetan Zure iduriko lili bat ikusi dugu baratze batean Desiratzen baitzintugun gure sahetsean Udan eta neguan Zure parerik ez da bertze bat munduan! Hartu dugu lorea eta hostoz hosto erantzi Eta guk zu ere amets, Loreak erran nahi dauku Aska nazazu Sortu naiz libre izateko Ta ez loturik egoteko. Lorea ezin bizirik Arantzak kendu nahi dizkiogu Eta bizi berri bat eman. Baratze bat egin dauzugu gaur Maite, betiko Lili anitz landatuko ditugu Loratuko dira gure etxeetako baratzeetan Orduan izanen dute indarra eta kemena Orduan emanen dute ugari beren fruitua. Orduan loratuko zira mila kolorez gure bihotzetan Adiorik ez ttantta Maite maitea. Larresoron, 2019ko irailaren 16an