Kantu Alai: Laugarren aldikotz Hazparneko 5 koralak kantuz ariko dira elgarrekin eta bakarka irailaren 27an, ostirala, Jondoni Joane elizan (20:30). À¢'œ'" Elgarrekin, Céline Ladevese Duffoir zuzendari. À¢'œ'" Hegalkanta. À¢'œ'" Mendixola, Béatrice Lissarrague Durruty zuzendari. À¢'œ'" Idiak Kantuz, Patrice Dumora zuzendari. À¢'œ'" Ur Begi. Elgarrekin emanen dituzte "Zazpiak oihal batetik" eta "Baratze bat" kantu famatuak. Sartzea urririk da. Ikusgarriak erretratuentzat Herriko sozial zentroak eta Baionako Scène Nationale-ak, hiru ikusgarriren (dantza, musika, antzerkia) ikustera joaitea proposatzen die Hazparneko erretretatueri. Prezio bereziak eskainiak dira eta harat joaiteko garraioa urririk da. Hortaz dena jakiteko informazio bilkura bat eginen da Elgar Zentroan urriaren 4an (10:00). Izena eman bilkuran parte hartzeko: 05 59 70 29 07 deituz. Gisa hortako tokiak mugatuak dira. Dantza filma Euskal Herriko zinema gehienetan erakutsia izan ondotik, Hazparneren aldi izanen da urriaren 3an osteguna (20:30) eta 6an igandea (18:00). Filma, ikusga rria eta poetikoa den freska bat da, erroak eta euskal dantzaren espresio ezberdinak ikertzen ditu. Biziaren zikloa, bizitzarako borroka aipatzen ditu. Musikak laguntzen du egunerokotasun hori. Ohidurak, dantzak, lurra, populua, mitoak eta tradizioa goresten ditu. Izaitearen mirakuiluaren ipuina da. Dokumental hori Telmo Esnalek egina du. Gari Otamendia, Amaia Irigoyen eta Ainara Ranera jokolariak ari dira, besteak beste. Zakur konkurtsoa Urte guziz bezala, Departamenduko elkarteak, arraza guzietako zakur zoin gehiagoka apailatzen du Hazparnen. Aurten urriaren 6an iraganen da Harana plazan eta gelan. Egun osoan erakusketa eta konkurtso desberdinak izanen dira. Tokian berean jan eta edaten ahalko da.