Ezkontza: buruilaren 6an Herriko Etxean Mizel Idiart auzapezak legez elgarretaratu ditu Manon Dabances eta Baptiste Laffont. Biharamunean aldiz ezkontzako sakramendua errezebitu dute Miarritzen, Ste Eugénie elizan, Vincent Claverie apezaren eskutik. Meza hori euskaraz kantatu du Lasa Kantuz taldeak. Gutarik gehienek ez ditugu ezagutzen esposak. Andere esposak erroak Lasan ditu, Monique Inxauspekoaren alaba ttipia da eta horrek hartua du amatxiren segida. Suerte eta zorionak espos berrieri. Gure goresmenak zueri eta zuen familieri, agurrik beroenak amatxi Monique eta aitatxi Louis-eri. Besta ondo: horra bestak iraganak, gaitzeko arrakasta ukan dute aurten ere. Igandean baizik ez aipatzeko, loriagarri arrabotean sar-ahala dantzari, 160 bat orotarat. Domaia, beltzuririk merezi ez zuen ortzantz erauntsi batek trabatu baitu ikusgarria eta jendea barreiatu baita, hala ere beti norbaitentzat goizegi euritzen baitu. Uroski desarranjatu horren ondotik segitu eta bururatu ahal izan dute emanaldia gaitzeko giroan. Munhoko lasterkaldia: buruilaren 29an dugu ekitaldi hori. Ibilaldiarentzat abiatzea iraganen da (08:00) herriko gelatik. Lasterkarientzat leku beretik (09:00). Arribatzea (10:30) hor berean, sarien banatzea (12:00). Ondotik izanen dira taloak, ogitartekoak eta edariak. Xehetasunak nahi dituenak, deitu Jean-François Arrabit 06-82- 69-91-84 edo http://www.coursedu- munhoa.fr Suerte on deneri aro onaz lagundurik.