Lehiaketen finalak Joan den uda hastapenean hasitako bi lehiaketen finalak joan den ibiakoitzean iragan dira. Irisarriko plaza guziz ederki horniturik zegoena. Lehenik, huna Irisarriko Herria trinketean palantxan iragan lau finalen berri. Hirugarren mailan: Ouret- Barnetche 50 / Etchecolas- Jaureguy 39. Bigarren mailan, B sailan: Hirigoyen-Ithurburu 50 / Ibarrart-Sabalette 46. Bigarren mailan, A sailan: Aguerre- Errecart 50 / Oxandabaratz anai-arrebak 32. Lehen mailan: Berteretche-Salla 50 / Eyherabide- Gachen 49. Auzoan, erran nahi baita herriko plazan, huna esku huskako hiru finalen berri. Hirugarren mailan: Housset- Housset 30 / Hauscarriague- Arricau 21. Bigarren mailan: Darrieumerlou-Errotabehere 30 / Landart-Bordagaray 21. Lehen mailan: Etchemendy-Idiart 30 / Etchevers-Argain 21. Bestalde, plaza gizon saria, Xantxo Hauscarriagueri eskainia izan zaio! Ez uste izan, pilotako klaxkak hortan geldituko direnik, hemendik goiti trinketeko txa- pelgoen aldi baita. Nesketan, xitoetarik gaztetaraino, pilota elkarteak 7 pare engaiatu ditu, palantxan, pilota hutsean eta esku huska, 5 pare ariko dira, gaztetatik helduetaraino. Deneri bide on! MO Irisarri Ospitalean Basque(s) liburuaren aurkezpena 1983an Jean Haritschelhar- en zuzendaritza pean agertu zen "Etre Basque", 35 urte berantago Euskal Museoko Lagunak elkarteak agertuko du BASQUE(S) liburua, Sarako Idazleen Biltzarrean aurkeztua izan zena. 32 idazlek parte hartu dute, bakoitzak bere sailari buruzko gogoetak emanez. Kazetalari, erakasle bai eta elkarte batzuetan lan egiten duten pertsonek, Euskal Herrian azken hiru hamarkadetan izan diren aitzinamendueri buruz beren iritzia emanen dute. Ospitalean iraganen den konferentzian irailaren 28an (10:00) aipagai izanen da.