Herriz Herri - Senpere (L) | 2019ko Azaroaren 28a

Herriko Bozak igandean

Herriko%20Bozak%20igandean

Lasaitu zaitezte, egiazko herriko bozak heldu den martxoan iraganen dira, aldiz igande huntan abenduaren 1ean (17:00), antzerki eta komedia moduan emanaldi bat eskainia dago Larreko antzokian. Azken ateraldietan antzerki hunek sekulako arrakasta ari du biltzen eta nola ez Iduzkiloreko antzerkilari bikainek, ahantzi gabe elkarte hau Amotze-Larraldean kokatua dela. Herri ttipi batean bozak hurbil izanki, bazter guziak pil-pilean dira eta ihizia idekia da bozemaileeri. Piarres Larzabalek, duela 60 bat urte, sortu zuen antzerki hori eta Maika Etxekoparren zuzendaritzak modernizazioa ekarri du. Irri eta gogoetaz asetzeko eta gozatzeko parada eskainia zauku, diotenaz ikusgarria huts ezina. Erreserbak 10€ aitzinetik Euskal-Herriko turismo bulegoetan baita lekuan bertan, Larreko sala berotua izanik ez dugu etxean egoiteko aitzakirik. Cappadoce zine-mintzaldia ostiralean Cappadoce eskualdea, Anatoliaren erdian kokatua da eta biziki bazter ederrak badauzka: tuturru zutak, lamina-tximiniak, misteriozko ibarxka koloretsuak. Giristinoak luzaz bizi izan dira eta ondare xoragarriak utzi dituzte troglodita kapera kukutuetan. Turkian gaindi ibilia den Olivier Berthelok, Avanos herriko pertsonaien ezagutzera garamatza, hauetan airetako baloi gidaria, emazte zeramistak, buztinlariak, olerkariak eta musikariak. Turkiako lurralde huntan bidaiatzeko parada ezin hobea daukagu, azaroaren 29an (18:30) Larreko kulturgunean. Herriko kultur saila eta Senpereko Kultur eta Ondarea dira antolatzaileak. Erreserbak 7€, Euskal-Herriko turismo bulegoetan, cultureetpatrimoinesenpere. fr webgunean baita lekuan bertan. Abisu Euskal Elkargoak antolatzen du 6 urtez goitiko haurreri buruz antzerki bat izendatua “La petite fille et le corbeau” Larreko kultur gelan, abenduaren 5 eta 6an (10:00 eta 14:30). Mouka konpania da antzezlanetan eta 45 minuturen iraupena du, argibideak eta erreserbak: 06 35 16 25 91 edo www.kultura-bidean. eu webgunean. Heriotze Ez bat ez bi, heriotzeak jo du 60 urterekin Jacky Berasateguy Hirioingobordakoa, pentsa zer harridura familiarentzat. Joan den ostiralean, eliza mukurru betea zen azken agurrarendako, apezak bere aldetik azpimarratu du Jackyren diskrezio eta bihotz handia. Penetan uzten dituen emaztea, hiru semeak, hauen familiak eta senide guzieri dolumin bizienak.
Email Buffer Facebook Google Twitter Pinterest LinkedIn Digg StumbleUpon Tumblr

3525. zbk

Gure Hitza | 2019/11/28

Neguila

Janbattitt Dirassar

Hor berean dugu abendoa, gero eta gehiago abendu deitzen duguna. Ene partetik aspaldian badut haatik halako arranguraño bat, urteko azken hilabeteak ukan baitu lekuka beste izen bat, neguila, batzuk laburtzen dutena, negila erranez, eta arras egokia berenaz, ene gustuko segurik, adiarazteko negua laster hasiko dela. Ez litakea domaia neguila izen hori arrunt eta alde bat galtzerat uztea? Gauza bera beste hilabete izen zonbaitentzat. Hala nola ilbeltza -hilabete beltza – hor delarik urtarrilarentzat eta loraila maiatzarentzat. Gainerat, abenduaren kasuan baditake nahasketa bat bezala bainan egia erran gaurko egunean hortaz ez duke nehork axola handirik. Alde batetik hilabete izena da alabainan eta bestetik Elizaren egutegian Eguberri aitzineko denboraldia. Bestaburu horren prestatzeko baliatzen dena. Bi abendu badira nolazpait. Eguberri aipatu baitugu, hirietako karrika eta plazetan anitz tokitan jadanik ezarriak dira Eguberri eta Urtats gogoan paratzen diren argi...

Irakurri segida


Gurekin harremanetan sar




segurtasun kodea

Herria Euskal Astekaria - Jacques Laffitte, 11 - 64100 BAIONA | tel: 05 59 25 62 85 | Legezko oharrak | Diseinua eta programazioa: iF Diseinuak - 2016