Herriz Herri - Arrosa (NB) | 2023ko Ekainaren 22a
"Ehun urtez"
Lehen kabalkadako emanaldia joan den ibiakoitzean emana izan da. Arratsalde apalean eguraldia ez bazen ikusgarriaren emaiteko aproposa, ortziak eta euri erauntsiak zirela, ikusleak beldurrik gabe hurbildu dira, arrosatarrek prestatu obraren ikusteko. Gaitzeko lana eramanik, belaunaldi guzien parte hartzearekin, 3 orenez dantzariek eta zirtzilek plaza alegeratu dute, bururatzean fandango sorkuntza batek eta jokolari guziek eman kantuarekin ikusgarria bururatzen zela. Zorionak merezi dituzte baldintza horietan ikusgarria emanik!
Ondoko emanaldia uztailaren 9an (15:30), igandearekin emana izanen da, kabalkadatik landa Frigo, Kontrabanda eta DJ Martintx taldeek gaualdia animatuko dute.
Txartelak Euskalduna ostatuan Arrosan, Paris saltegian Donibane Garazin, Oronoz saltegian Baigorrin eta Lurra Bio dendan Hazparnen eros daitezke.
