Txapeldun

Plazerrekin palantxan, artekoen bi taldeak finalean ginituen, nazional lehiaketaren kondu. Igandean Baigorriko trinketean iragan partidan, Irisartarrak2 Emma Orhategaray-Katixa Vignau Tuquet nagusitu dira 40-16 Irisartarrak1 Chloe Indart-Louna Jaureguy pareari. Bi taldeen arteko haitadan, lau pilotarisek elgar ongi ezagutzen dute, gisa guziz Irisartarrak pilota xapeldun! Aupa!

Esku-huska

Aldi huntan ere berri onak gure plaza laxoko pilotarientzat. Final-zortzirenetan hirugarren mailan, Xan Bidart-Julien Arbeletche 30 / Kapito Harri 12. Final-laurdenetan Xan eta Julien Sarako Izarraren kontra ariko dira. Beti ber heinean, bigarren mailan, Andde Berrogain-Paolo Bidart, 30 Itsasuarrak 15. Partida Itsasun iragan beharra zen, euriarengatik Sarako gela aterpetuan bukatu da. Final-laurdeneko partidan, Andde eta Paolo, Airetik-en kontra ariko dira. Partida galdurik ere Frantziako xapelketan segitzen ahalko dute. Beste pare bat ere, artekoetan, final-laurdenetan dugu, Jon Mollon-Txomin Sallaberenborde. Beraz biba gazteak eta gure xaharrak!