Heriotze

Herri guzia inarrosi duen berri iluna jin zauku, joan den aste hondarrean. Familiaz Haritzalde Etxeberrinekoa zen Betti Etcheverry sobera gazte joan da, 46 urte zituen. Dolumin bizienak Odile bere emazteari, Camille, Julie eta Enzo haurreri, Jeanne amari, Arnaud eta Xabi anaieri eta haurride guzieri.

Euskal Trail

Giro biziki onean eta molderik hoberenean iragan da aurtengoa. Orotara 3.500 bat jendek parte hartu dute, lasterkaldi desberdinetan.

Emaitza nagusiak:

Ultra Trail (130 km) - 1. Beñat Marmissolle, 2. Maxime Castillon, 3. Sergio Luis Tejero.

Euskal Trail (2x40 km) - 1. Hagnere-Cazajous, 2. Camou-Juncas Pagnoux, 3. Beaufils-Blanchard.

Endurance Trail (65 km) - 1. Arkaitz Lopez de Armentia-Gorka Irazu, 2. Techene-Nesprias, 3. Lagarde-Belleau.

Iluna Trail (27 km) - 1. Benoit Semerenaｰ Iñaki Erramouspe. Goresmenak gure bi baigorriar gazteeri! 2. IhidoiｰComet, 3. Larramendy-Pebet.

Goresmen bereziak ere Baigorriko Jean-Pierre Arrossa Munixteri. 75 urte ditu bainan adina ez da traba beretako. 130 kilometroko lasterkaldia hastetik buru egin du, bere neurrian, 33 orenez. Aroa orokorki alde izan baldin bada ere, Jean-Pierrek erran dauku hotz handia jasan dutela gainekaldeetan, lanoa eta euri xirrixta zonbait gauaz. Nahi ditu ere antolatzaileak, laguntzaileak eta bide bazterretan sustengatu duten guziak eskertu. Argazkian ikusten dugu ibilaldian lagundu duen bere semetxiarekin.

Beilak

Artzain Ona parropiak beila antolatzen du Lurdara, heldu den ekainaren 10ean, ibiakoitzez. Parte hartu nahi dutenek izena eman behar dute ahalaz ekainaren 4ko, Baigorrikoek Peio Curutcharry edo Jeannot Oronos-i, besteek heien herriko arduradunari.

Hori baino lehen, ez ahantz Mendekoste asteleheneko meza Oilandoiko kaperan, maiatzaren 29an.