Laborari sarea (BLE, APFPB - Idoki, ELB, InterAMAP Pays Basque, Ezpeletako Biperra eta Irulegiko AOP) mobilizatua da, herritar guziei elkartasun deia egiten du, bereziki diru eskaintzak eskatuz. Izan ere, ekoizpenaren berrabiatzeak gastu inportanteak eta premiazkoak sortzen ditu: landare erosketak, berdin alor-estalki eta tutoreak, orbaintzearen laguntzeko eta landareak bultzatzeko behar diren tratamendu produktu naturalak, garbiketa lanak, konpontze lanak. Erronka edo desafioa zinez inportantea da: bazterrak berriz ez abiatzeak, ondorio larriak lituzke: aste batzuen buruan ekoizpenik ez saltzea eta gure merkatu tokiak eta saskiak hutsik gelditzea litaike, eta bezerogoa nahigabeturik uztea, kalitatezko tokiko produktuak ezin berreskuratzeagatik, eta anitzez urrunagotik hornituak diren saltzaileei buruz itzultzea.

Batzorde tekniko bat plantan ezarria da, bildu diruak zuzentasunez banatzeko hunkituak izan diren ekoizleen artean, eta elkarteen kolektiboak segurtatzen du gure eskaintzak osoki etxaldeei laguntza emaitera joanen direla berrabiatze hortan.

Eskaintza egiteko:

-Eurotan, HelloAsso helbidean, esteka huntan sakatuz: www.helloasso.com/associations/inter-amap-pays-basque/collectes/grele-et-orages-du-20-juin-2023-solidarite-avec-nos-paysans.

- Euskotan, transferentzia bat egin daiteke 154024691 zenbaki kontuan, "Ekaitza 2023ko ekaineko harri ekaitzaldia" zehaztuz (Intempéries juin 2023 Ekaitza).