Ekainaren 11n, igandearekin, erreka garbiketa iraganen da, Iturritik elkarteak antolaturik, Urepeleko Herriko Etxearekin elkarlanean, hitzordua plazan emana da (10:00). Iturritik elkartea sortu da belaunaldi guzietako pertsonak erreken zaintzearen garrantziaz ohartarazteko xedez.

Egun horretan, ingurumenaren alde aritu nahi duten partaide guziak ongietorriak izanen dira, Herriko Etxeak, elkarteak, lekuko enpresak eta bistan dena herritarrak. Haurrek ere lekua ukanen dute, burasoen ardurapean.

Ekimenak harrera biziki ona ukan du, Urepeleko herria berehala egunaren antolaketan laguntzeko prest agertu baita, erreka bazterreko lurren jabeek ere interes handia erakutsi dute.

Antolaketa errexteko, izenak aitzinetik emanak badira hobe: iturritik@yahoo.com edo deituz: 05-59-37-93-48.

Boluntarioeri kontseilatzen zaie botak, eskularruak, zaku handiak (erabiliak diren erosketa zakuak) eta ahal bada mozteko aliketak ekartzea. Arratsaldean segituko du, beraz ez ahantz piknika ekartzea.

Eguraldi txarra baldin bada, eguna ekainaren 18ra gibelatuko da. Egin lanaren ospatzeko zintzur bustitze bat proposatua izanen da!