Astekari huntan berean aipatu ginuen Gure Eskuk abiatu ekimena, uztailaren 1ean Bilbotik abiatuko den Tourra, 3 egunez Euskal Herria zeharkatuko du.

Uztailaren 3an, Frantziako Tourra Hendaiatik sartuko da Baionara arte, herriz herri, ikurrinak eskuratu eta hauek eskuetan harturik Gure Eskuk mobilizatzeko hitzorduak ezarri ditu:

- Hendaia: (14:30) Geltokian.

- Urruña: (14:45) Wowparkeko aparkalekuan.

- Donibane-Ziburu: (15:00) bi herrien arteko zubian.

- Azkaine: (15:00) plazan eta zubian.

- Senpere: (15:00) eliza gibeleko parkean.

- Uztaritze: (15:30) Arruntzako zubia.

Uztailaren 5ean, Frantziako Tourrak Zuberoan kilometro batzuk eginen ditu, Atharratzeko herri sartzean hitzordua emana da (14:00).

Baionan animazio desberdinak antolatuak dira. Gure Eskuk Patxa plazan egun osoan animazioak antolatuak ditu...

EuskarAbentura espedizioaren 4. edizioa, uztailaren 1ean Mauletik abiatuko da. Araba, Baxe-Nafarroa, Bizkaia, Gipuzkoa eta Nafarroatik autobusak Zuberora etorriko dira.

120 bat gaztek osatu espedizioak, uztailaren 1etik 31ra, Euskal Herria oinez eta euskaraz zeharkatuko du. Euskal Herri osoko eta diasporako gazte euskalduneri beren herriaren ezagutzeko parada emana zaie.

Lehen egunean elkar ezagutzeko aktibitateak antolatuko dira eta gazteeri espedizioari buruzko informazioak emanen dira (tixertak banatu, egunak nola antolatuko diren... eta abar).

Biharamunean, uztailaren 2an (igandea), Maulen egonen dira. Goizean, informazioak emanen dira: osasuna nola zaindu, protokoloak, hondakinak nora bota, ingurugiroa eta herriak nola errespetatu. Bazkal ondoan (14:45), Robert Elissondo ikertzaileak ainaren historian adituak, mintzaldia eskainiko du.

Uztailaren 3an, astelehena (8:30), Maule-Pagola lehen etapa abiatuko da, 4 ordu eta erdiko ibilaldia,...

Kronika hauen pertsonaia nagusietatik bat da Elon Musk, aferagile aberats okitua, Emanuel Macronen ondotik datorrela Epelondo honen aipamenen sailkapenean. Biek badute elkarren egite, galaxia urrunduetako kuskandel edo sugandila izaerarekiko gizaki itxurekin: beso aitzineko larru leuna idoki eta bertan dute mamutzar azala, dena leize eta arroila berde fluoreszente. Bizitzeko erak halaber antzekoak dituzte, batak zein besteak, sosa biziki eta sobera maite dutelako.

Gaurkoan, (I)silikon Bailarako ikerlariei esker, Adimen Artifiziala indarrean dabil eta GPT katutxoak, miauka, gure galdera guziei arrapostu ematen die. Aztoratzen goaz bat-batean, lurrak eta munduak laster ez duela gure beharrik izango ohartzen garenean -funtsean, orain ere munta handirik ez daukagu! Behialako Fotoshop aplikazioa baino urrunago doaz egungo baliabideak, argazkiak egiten dituztelako egiazkoak balira bezala. Segur naiz horrelako asko ikusi dituzuela jadanik, kazeta honetatik haste: beraz...

Betidanik Zarautz eta Baionak lotura berezia ukan dute (1920. urtetik). Aurten, 4.A klaseko elebidunak Zarautzeko San Antoniano ikastetxearekin lotura mantendu dugu. Urte osoan hiru aldiz bildu gara eta padlet baten bitartez, bata besteari berriak igorri ditugu. Lehen ezagutza Hendaian egin dugu. Han, Abadia jauregia bisitatu dugu eta Hendaiako hondartzan jokoak egin: soka tira, dantzak, kantuak... etab. Bigarren topaketa Getarian egin genuen. Bertan, Balentziaga museoa bisitatu eta apainketa tailerra egin genuen museoan. Hor ere eguna hondartzan bukatu zen bazkari partekatu batekin eta joko batzuekin. Lehengo astean eta gure trukaketa bukatzeko San Antoniano ikastetxeko ikasleak Baionara etorri ziren. Largenten egon ziren goizean eta ikastetxearen bisita eginarazi genien euskaraz. Gosaldu eta gero, Terraventura aplikazioaren bitartez, Baiona hiria bisitatu zuten, Baionan zehar diren pinturen bitartez (Street Art).

Ekainaren 1ean, ostegunez, kolegioko eta inguruetako burasoak gomitatuak izan dira "Nerabe buraso baten izatea" mintzaldian parte hartzera, Elorri Garat psikologoak animaturik, kolegioko Eskola Bizitzak antolaturik.

Sar hitza denboran, haurtzaroa eta nerabezaroa garaiak hitzen bitartez nola kalifikatzen ahal diren galdetu die burasoei. Nerabezaroa, desoreka pasaia bat da familiarentzat, garapen fase horrek beldur eta kezka anitz iratzartzen ditu, ber momentuan, identitate eraikitze momentu azkarra da, esperientzia berriak egiten dira, familiatik haratago ikusten direnak. Alta, gaztearentzat, burasorik gabe bizitza ederra da! Ariketa ttipi bat proposatua izan zaie, iraganera bidaiatzea eta zer ongi ala gaizki pasa zen haien nerabezaroan oroitzea.

Ondotik, helduaren postura nerabearen seguritatearen bermatzea dela adierazi du. Konrad Lorenz eta Harry Harlowk etnologoek egin zuten ikerketa azalduz, psikologo-psikoanalistak diren René Spitz, John Bowlby eta Mary...