Dolu

Otsailaren 8an, azken egoitzarat lagundu dugu Pierre Jaureguy, Mounhokoa. Irisarriko elizan sekulako jendea bildu da. Zeremonia biziki ederra, kartsuki iragan da. Pierre, gizon langile eta seriosa izan da, laborantxa eta Larzabaleko gasnategiko lanak segurtatuz. Herrian ere, gizon engaiatua, anitz urtez lehen axuant izan da. 1970ean, esposatu dira, bi alaba eta bi seme ukan zituen. 85 urte hurbil, eritasun luze batek erreman du, ondokoek inguraturik.

Maddalen, bere espos lagunari eta familia guziari dolumin bizienak.

Eskubaloia

Lehen taldeak Rodez-en kontra galdu du, multzoko lehenaren etxean, 31-24. Bigarren taldeak Floirac taldearen kontra galdu du, 24-21. Frantziako xapelgoan, Irisarri/Atharratzeko hemezortzi urtez petikoen taldeak berdin egin du Lormont taldearen kontra, 22-22. Nesketan, nazional 3 mailan, Kanbo/Irisarrik ttantto batez galdu du, Bruges-en, 24-23. Erregional mailan, hemezortzi urtez petikoek Atharratzen irabazi dute, 32-30.

Heldu den aste hondarreko partidak - Gizon gehienetan, hirugarren taldeak, larunbatean Ortese errezebituko du (20:00). Nesketan, bigarren taldeak, Kanbon Denguin errezebituko du (20:00).

Erregional mailan, hemezortzi urtez petikoak igandean Mios-era joanen dira (14:00).