Otsailaren 20, 21 eta 23an Ortzaizeko ikastolan, Euskaraz Bizi taldeak antolaturik haurrentzat zirku ikastaldia proposatua da. Taldeka iraganen da: "Pinpirinak" eta "Urtxintxak" lehenik (10:00-11:00) eta ondotik 5-7 urtekoentzat "Pottokak" eta "Axeriak" (11:15-12:30). Arratsaldean, 8-11 urtekoentzat (14:00-15:30). Prezioa ttipientzat 30€ 3 egunak, handiagoentzat 38 euro 3 egunak. Izena eman behar da euskarazbizi.ortzaizen@gmail.com edo 06-48-94-64-48 deituz.

Baionako apezpikuak jainkoaren artalde marrakalariak kudeatzen dituelako uste du laborantzaren egoeraz mintzatzeko ongi plazatua dela! Baskulture web aldizkarian publikatu duen aburu-iritzi atal batean, nekazaritza eredurik atzerakoiena defendatzen du "Pas de pays sans paysans" titulupean. 654 hitzekiko zutabeak badu petainista kutsu bat. Alabaina bigarren mundu gerla denbora jadanik "la terre ne ment pas!" errepikatzen zen. Gaurkoan berdin "eta jainkoak benedika dezala Frantziako laborarien lana" finitzen den Aillet apezpikuaren artikuluak. Egia da gizon hori ez dela jende arruntekiko eta bereziki sexu gutxiengoen alderako biziki urrikaltsua. Bere balentriak ezagunak zaizkigu.

Otsailaren lehenean izenpetu duen testuan, gogorki salatzen ditu Europak eta hainbat osasun erakundek martxan eman duten nekazaritzako Green Deal delakoa, inkonpatiblea dela laborantzaren garapenarekin, laborantzaren murriztea eragiten duela natura gerizatzeko aitzakian...

Euskaraz Bizik bigarren aldiz antolaturiko euskarazko rap ikastaroan kolegioko hirugarreneko zortzi ikaslek parte hartu dugu.

Batzuk lehen aldia genuen eta beste batzuk bigarrena. Ikastaro honen irakaslea Odei Barroso bertsolari eta raperoa izan da.

Berarekin bost saio egin genituen, azaroa eta abendua bitarte, astean behin, eguerdiko aire hartzean. Saio horietan raparen historia ezagutu eta gero, gai amankomuna hautatu genuen, ondotik bakoitzak bere kopla idatzi zuen. Azkenik, urtarrilaren 24an, asteazkenez, Alkimia produkzioak grabaketa estudiora joan ginen zortzi koplaz osaturiko rap kantua grabatzeko.

Oso esperientzia ona izan zen estudio batean sartzea eta kantuen grabaketarako beharrezkoak diren baldintza eta ekipamendu guzia bertatik ezagutzea.

Orain kantuaren masterizazioa egitea falta da, Odei Barrosoren eskutik. Ea gustuko izango duzuen gure aurtengo "Gatazkak" kantua.

Mila esker Odei Barrosori eta Euskaraz Biziri!

Urte guziz bezala, urtean zehar, Donazaharreko San Mixel eskolan proiektu bat lantzen dugu: aurtengo proiektua da manera desberdinez ibiltzea (oinez, bizikletaz, trotinetaz, errotadun ibilgailu batekin). Astean bi aldiz, maila guziak nahasten ditugu eta elkartzen gira atelierretan lan egiteko (Ama eskolako handiak, bigarren eta hirugarren zikloko ikasleak).

Lehenik, Donazaharreko karriketan ibiltzean, bide seinaleak eta bideko arauak deskubritu ditugu. Gure ibilaldietan, erakasleek filmatu gaituzte eta gero geletan bideo horiek begiratuz edo so eginez ohartu gira promenatzean zer hobetu behar ginuen. Eskolan, zirkuituak proposatuak izan dira. Rol desberdin batzuk bizi ditugu mimoaren bidez: oinezko, auto-gidari, polizia eta zirkulazio argien rolak esperimentatu ditugu eta lan horri esker bideko arauak hobeki ezagutu ditugu.

Urriko egun batez, Baionako Street Art obrak...

Altxa-lili kabareta aurten bi aldiz ikusi nuen. Iparraldeko artista gazte talde batek sortua, ikuskizun ausarta, probokatzailea, xarmanta eta xelebrea. Denbora labur batean, aurkezpen guti batzuekin, Euskal Herri mailan famatua bihurtu zen. Iparraldekoek abeslari, musikari eta dantzari onenak izateko fama daukate, badirudi belaunaldi berria datorrela sinesmen hori baieztatzera eta areagotzera, bere berezitasun eta marka propioarekin. Euskal dantzak, ironiak, amodiozko abestiak, generoaz eta sexu-nortasunaz gogoetak, marrazkiak, oihuak, pertsonaia eta gertaera irringarriak nahasten dira eszenatokian, trikitixa eta pipita (¹) pixka batekin harrapatuta egon gaitezen, ordu batez denboraren nozioa gal dezagun.

Hedabideei egin elkarrizketa batean, kabareteko kideek azaldu zuten taldeko gehienak hemengoak izan arren, momentu batean kanpora joateko beharra sentitu zutela. "Sexilio" horretan, hots, exilio edo...