Kantaldia

Otsailaren 16an (20:30), Arraditz hirukotea eta Baionako Polifoniak elizan entzuten ahalko dira. Parte hartze librea, bakoitzak nahi duena emaiten ahalko du.

Herriko berri

Urte hasiera huntan Herriko Etxeak aitzineko urtean eraman obren berri eman du.

Jaz Harri Xuri ikusgarri gelan kanpoko eta barneko tinduak eginak izan dira. Obrek 75.000 euro gosta dute, Akitania Berriak (%40) eta Departamenduak (%40) diru laguntzak eman dituzte.

2022an, trinketeko hotel jatetxearen salmentaren ondotik, Herriko Etxeak trinketaren erostea erabaki zuen. Azterketa teknikoak egiten ari dira, proiektuak beranta hartuko du, 2024an bururatuko da.

Ingurumena zaintzeko ekimen berriak abitu dira. Eskolako kantinan ez da gehiago paperezko zerbitarik erabiltzen, oihalezkoa baizik. Beste herrietan bezala hondakinen bereizketarako aldaketak izan dira, konpostatzeko tresnak erabiliz.

Egoera zibila À¢'€'" Jaz lau sortze izan dira: Rosie Lagouanere, Ainara Goutenegre, Lore Alzuri eta Julen Biancolini. Lau heriotza: Elissalde Amélie, Aguerre Pierre, Lespez Josiane eta Membrede Joséphine.

Bi ezkontza: Christophe Lacroix eta Pauline Barennes, Marvin Phan eta Cheyenne Vulquin.

Kaskarotak

Polliki dantza taldeak jakinarazten du aurten Kaskarotak otsailaren 17 eta 24an iraganen direla, ez da dudarik ongietorri beroena ukanen dutela.