Herriz Herri - Hendaia (L) | 2024ko Otsailaren 08a
“Bakarka Taulan” festibala - Indigo aparkalekua 30mn urririk
“Bakarka Taulan” festibala
Kultur zerbitzuak bere 12. “Bakarka Taulan” festibala antolatzen du, otsailaren 9tik 11ra, Mendi Zolan. Kultur denboraldiko ekitaldi garrantzitsuenetakoa den festibal hunek, izenak dioen bezala, publikoaren aitzinean bakarrik atzemaiten diren artisten emanaldiak eskaintzen ditu. Emankizun mota hunek artista eta publikoaren arteko harremana sakonagoa izatea sustatzen du eta emozioak zuzenago eta biziago sentitzeko une berezia sortzen du. Bai artista eta bai publikoarentzat esperientzia intimista eta bakarra izan ohi da. Edizio berri huntan hiru ikusgarri aurkeztuko dira, bi frantsesez eta hirugarrena euskaraz. Xehetasunak eta txarteldegia: www.hendaye-culture.fr.
Indigo aparkalekua 30mn urririk
Errepublika Plaza egokitzeko lanak baitira, Herriko Etxeak 40.000 aparkaleku-txartel erosi ditu erabiltzaileendako. Hiriko saltoki eta zerbitzuetara joatean, Indigo aparkalekuan lehen ordu erdia urririk izan dezaten. Gehiago jakiteko www.hendaye.fr.
