Parte-hartzaile proiektu deialdia

Jazko aurrekontu parte-hartzailearen lehen edizio arrakastatsuaren ondotik, 27 proiektu irabazle agertu baitziren, Herriko Etxeak bigarren edizioa abiatu du. Egitasmoak aurkezteko hautagaitza idekia da, trantsizio ekologikoa, solidarioa eta herritarreri zuzendua izan behar diren proiektuak dira hautatuak izanen. Herriko Etxeak 300.000 euro baztertu ditu. Jadanik Herriko Etxetik 5.000 euro baino gehiago eskuratzen duten elkarteek ezin dute parte hartu.

Informazio guzientzat: lateliercitoyen.bayonne.fr webgunean.

Baratze botanikoa idekia

Neguan hetsirik egon ondoan, baratze botanikoa berriz idekia da. Baratzean den etxetoa arraberritua izan da, munduko koloreek duten eraginari buruz erakusketa presentatua da. Idekia da asteartetik larunbata arte (10:00-18:00)

“Handi Jo”

Largenté eskolak maiatzaren 4an (10:00-17:00), bere egoitzan, “Handi Jo” jardunaldiak antolatzen ditu, “Handi Sport” eta “Olagarroa” elkarteen partaidetzarekin. Edozein pertsonendako eguna baldin bada, ezinduak direnak argitan ezarriak izanen dira.

Mahai inguru, lekukotasunak, bideoak, sorkuntza artistikoak eta animazioak proposatuak izanen dira. Han berean jantokia izanen da. Patrice Lagisquet errugbilari ohia egun horren gozaita izanen da.

Baionan Kantuz 27. urte!

27 urte hauetan “Guk Euskaraz, zuk zergatik ez” kantua hilabetero emana izan da, Baionako karriketan, plazetan, udako bestetan bezala negu minean, kanpoan edo aterpean. Baionan Kantuz sortu zuten ikastolek, euskararen presentzia hiri erdian finkatzeko. Euskal kantu herrikoiaren bestarat apirilaren 27an jendea gomitatzen du, (11:00) Pilori plazan (Albert 1er eskolan euria balitz), (13:00) Baionako ikastolen zikirorat Lauga gelan eta bazkal ondoko kantu eta mutxikoetarat.