Mintzaldia

Gernikaren bonbardaketa eguna kari, apirilaren 26an ostiralarekin (19:00), La Perle gelan Elias Sanbar Unescon egona den Palestinako enbaxadore ohiak “Gernika-Gaza, oroitu eta ekin” mintzaldia emanen du.

Udaberriko merkatua

Apirilaren 28an igandearekin, udaberriko merkatuaren laugarren edizioa eginen da. Herriko hogei bat ekoizle eta artisau Plaza Berrin elkartuko dira, haziak, kimuak eta landareak trukatzeko aukera ukanen dute. Aizu Ikastolak pastizak salduko ditu eta Basté Quiétako APE-k edariak. Goizean (11:00), mutxikoak dantzatzen ahalko dira Punpeka taldeak animaturik.

Maiatz lorearen lasterketa

Maiatzaren 1ean, Ainhara elkarteak maiatz lorearen lasterketa antolatzen du. Lasterketa desberdinak antolatuak dira, hala nola 7 kilometroko ibilaldia 7 eurotan (9:00), haurren 1 edo 2 kilometroko lasterketa urririk (9:15), 7 kilometroko traila 9 eurotan (10:00) edo 12 kilometroko traila 13 eurotan (10:15). Izena pb-organisation.com webgunetik eman daiteke, edo egunean bertan 2 euro gehiago pagatuz. Bukatu eta, edatekoa izanen da.