Heriotze

Atxoaineko Leonie Ascarain (Gamieta sortua) pausatu da 95 urtetan. Joan den ibiakoitzean ziren Leonie zenaren ehorzketak. Doluminak seme-alaba eta familia guziari.

Sagarno ozpina

Berriki hetsi zen zubi ondoko Petricorena saltegia berriz ideki du Laurent-ek. Berak aitortu dauku dolu zuela bere magasina orain zerraturik ikustea. Lehenago, xarkuteria eta kontserbak egiten balin bazituen, hemendik goiti sagarno ozpina proposatuko du, berak asmatu errezeta batekin osatua. Lagun zonbaiti jastarazirik, biziki ona zela erran diote eta sustengu horrek akulaturik, salgai emaitera deliberatu du.

Horren ondoan, tokiko ekoizleen produktu batzu ere eman ditu lekuan, ezti, gasna, arno... Eta Laurent Petricorena margolari bezala ere ezaguna baita, saltegian berean segituko du bere obren egiten, harat hurbilduko diren jendeen aitzinean.

Esku huska

Euskal Herriko xapelketako finalak, plaza laxoan:

Bigarren maila

Zuraiden: Antton Haristoy-Thomas Luro (Zaharrer Segi) 30/ Peio Hiriart-Iban Jauregiberri (Airetik) 28

Kimuak

Bidarrain: Peio Dutarret Bordagarai-Mikel Eyherart 30/ Estebe Irola Amestoy/ Jon Bonetbelche (Noizbait) 09

Errebote Lehen maila

Uztaritzen: Zaharrer Segi 13/Luzean 1.

Xapeldunak: Iban Riouspeyrous, Bixente Izoco, Paxkal Dutey, Mathieu Ascery, Jon Etchelet.

Hiru xapel gehiago beraz, gure pilota elkartearentzat.

Zinema

1959an, nagusiki Baigorrin eta Urdozeko plazan moldatu zen Ramuntcho filma igandean (uztailaren 21ean) ikusten ahalko dugu Bil Etxea gelan (16:00). Sartzea 5 eurotan.