Herriko obrak

Herri erdian zenbait urtez iraunen duten obrak uda huntan abiatu dira.

Berriki, Herriko Etxetik Arlandea etxeraino elektrika tentsio apaleko eta telekomunikazio sareak lurperaturik, Aiherra aldetik herrian sartzea geroago arramoldatzeko beharrezkoak ziren lanak dira egin. Herri barneko obretan, elizako aparkalekuan udazken huntan hasiko dira. Hor antolatuko dira eskola eta linea erregularren autobus geldilekua, etxe ondarkinen ontzi erdi lurperatuak bai eta ondoko lursailera aparkalekua hedatzeko lehen lanak.

Argazkian ikusten den etxe pollita ez da batzuek uste zuten bezala bizitegi bat, bainan indar handiko elektrika tentsio apalera aldatzen duen tresneriaren etxola, ondoan den aterbe xaharraren orde ezarriko dena.

Bi asto gaixoak aldiz alhagia galduko dute, agian ez dira urrunegi joanen, artetan beren orroak entzun ditzagun.

Arberoako ostiralak

Uztailaren 19koa Izturitzen izanen da: Arberoa ikastolak antolatu mutxiko gaualdia Arberoa txarangarekin. Hitzordua (20:00). Janariak eta ostatua segurtatuak dira eta oroz gainetik euskal giro goxoa.