Herriz Herri - Hazparne (L) | 2024ko Maiatzaren 09a

Mediatekan - Pestak - Sorondo Lore

Mediatekan%20-%20Pestak%20-%20Sorondo%20Lore

Mediatekan

Zuzi olinpiarraren pasatzearen karietara, joko olinpikoez ditugun ezagutzen sakontzea proposatzen dauku Pierre Espil mediatekak. Hortarako ekainaren 1a arte iraunen duen erakusketa interaktiboa apailatu du. Panel eta eduki esklusiboek (podcast, joko, infografia eta beste...) anekdota hoberenak eta gutti ezagutuak diren txapeldunak aurkeztuko dira, kirola eta jokoen deskubritzeko, preseski ezagutzen ez ditugun molde batean.

Sartzea librea eta urririk da. Erakusketa bereziki heldu eta nerabeentzat da, bainan 8 urtetarik goiti ikus daiteke ere.

Pestak

Urkoi eta Paxkonia - Maiatzaren 11n, larunbatean Ball Trapa Entsenian, bederatzietarik goiti.

12an, meza Urkoiko elizan (10:30), Haitzmendi fanfareak animaturik. Ondotik komiteak eskaini aperitifa eta aingira jatea. Egun guzian joko puzgarriak izanen dira haurrentzat. Birla zoingehiagoka (16:30) eta kantaldia elizan (19:30), gero talo eta xingar Xaukenak alaiturik.

Idiak elkartea - Ostiralean, elkartearen egoitzan, talo eta xingar eta mutxikoak, Zortzi kontzertua (20:00), Watson kantaria (22:00) eta ondotik DJ gaualdia.

Larunbatean (11:00) merkatuan Idiak kantuz, aperitifa elkartearen egoitzan, bazkaria. Behi lasterrak peñaren aitzinean eta barnean (17:30), talo eta xingar (19:00) eta DJ gaualdia.

Igandean desfilea Eskurrak bandarekin zezen plazaraino, han berean aperitifa eta bazkaria. Kokarda zoingehiagoka (17:30), talo eta xingar, moda zaharreko dantzaldia.

Larunbatean izanen da besterik ere, egun guzian Xapital deitu zoingehiagoka errugbian, izen bereko zelaian. Igande arratsaldean birla zoin gehiagoka Eihartzeako parkean, Birlabolak elkartearekin.

Aste hau arras berezia izanki bere bi pesta egunekin, denbora pasatzen ahalko da herrian berean!

Sorondo Lore

Xoribit gelan, maiatzaren 13tik 19a arte Martine Etxezaharretaren obrak ikusgai izanen dira.

Email Buffer Facebook Google Twitter Pinterest LinkedIn Digg StumbleUpon Tumblr

3747. zbk

Gure Hitza | 2024/05/09

(Des)konexioa

Ainhoa Etchenique

Segur naiz behin baino gehiagotan izan girela denak holako eszena baten lekuko: kontzertura joan, batzuk momentuaz goza, bertzeek mugikorra poltsatik atera eta kontzertua telefonoaren pantailaren gibeletik begiratzen hasi.

Ostatura joan, ondoko mahaikoek elkarren artean hitz egiteko partez, bakoitzak bere telefonoa begiratzen du. Platerak arribatzean, ziztu bizian mugikorra atera bideo baten grabatzeko, ez baita jaten hasten ahal sare sozialetan bideoa partekatu aitzin.

Kalean ibiltzean, parekoak burua beheiti, telefonoari so, zuk duzu kasu eman behar elkar ez kunkatzeko.

Gertakari bortitza karrikan pasatzean, laguntza ekarri ordez, batzuk filmatu eta sare sozialetan partekatzen dute “buzz”-a egiteko ala arrakasta ukateko.

Zuzeneko bizirik ez da gehiago, dena da digitala. Teknologia berriak, gero eta toki gehiago hartzen ari dira, jendartearen ...

Irakurri segida


Gurekin harremanetan sar




segurtasun kodea

Herria Euskal Astekaria - Imprimerie du Labourd - Cazenave bidea, 29 - 64100 BAIONA | tel: 05 59 25 62 85 | Legezko oharrak | Diseinua eta programazioa: iF Diseinuak - 2016