Landareen makrofotografia

Maiatzaren 11n larunbatarekin (9:30-12:30), naturako plano handiko argazkigintzari buruzko tailerra antolatua izanen da. Landareak, loreak eta intsektuak argazkitan hartzeko teoria eta praktika landuko dira. Materialari dagokionez, galdegina da argazki tresna ekartzea (reflex, bridge, hibridoa edo konpaktua). Helduei zuzendu tailerra da, LuzPhotos-ko Hervé Drouet-ek animatuko du.

Bizikletaren hilabetea

Maiatzaren 12an igandearekin (13:30), Ducontenian bizikleta arratsaldea antolatua izanen da. Haurrendako bide hezkuntzako ibilbidea izanen da, bide publikotik ibiltzen ikas dezaten. Haurrendako bizikleta batzuk tokian bertan egonen dira. Horrez gain, bizikleta elektrikoen testatzeko parada izanen da.

Tanka gelaren hitzorduak

Maiatzaren 15ean asteazkenarekin, Özberk Miraç Sarıgül turkiar gitarristak kontzertua emanen du. Oren batez iraunen du, denei idekia da. Sartzeak 5 eta 12 euro artean kostako du. Tokia tanka-saintjeandeluz.notre-billetterie.fr webgunean eros daiteke.

Festibala

Maiatzaren 15etik 20ra, Andaluziako festibala abiatuko da. Kontzertuak eta ikusgarriak izanen dira. Informazio gehigarri guziak www.saintjeandeluz.fr webgunean.