Herriz Herri - Ziburu (L) | 2024ko Maiatzaren 09a

Emaitza berria hazkurri laguntza zerbitzuari - Briand eskola berrantolatzeko obren abiatzea - Tigre moskitoa

Emaitza%20berria%20hazkurri%20laguntza%20zerbitzuari%20-%20Briand%20eskola%20berrantolatzeko%20obren%20abiatzea%20-%20Tigre%20moskitoa

Emaitza berria hazkurri laguntza zerbitzuari

Ziburuko CCAS-eko hazkurri laguntza zerbitzuaren alde, abenduan Eguberriko kantaldia antolatu zuten Rotary eta Lions Club elkarteek. Ekintza huni esker, 1.700 euro bildu dira. Diru zama hori, duela bi aste CCAS-ari emana izan zaio. Herriko Etxeak ekintza eder hori eskertzen du.

Briand eskola berrantolatzeko obren abiatze ofiziala

Apiril bukaeran, hautetsi eta partaide finantzari guziak bildu ziren, Aristide Briand eskola berrantolatzeko obren abiatzea markatzeko. Belaunaldi arteko egoitza soziala sortzeko egitasmoa abian ezarri dute herriak eta Office 64 de l’Habitat-ek.

Tigre moskitoa

Maiatzaren 14an asteartez (16:30-18:00), Marinela eskolan tigre moskitoen kontrako hitzordu berria antolatua da. Teknikalari bat bertan egonen da, galdera guziei erantzuteko. Informazio gehigarriak www.mairie-ciboure.fr webgunean.

Odol ematea

Maiatzaren 15ean asteazkenarekin (15:00-19:00) eta 16an ostegunarekin (9:30-13:00) odola emateko aukera izanen da Guy Pouloun. Hitzordua dondesang.efs.sante.fr webgunetik har daiteke.

(Des)konexioa

Ainhoa Etchenique

Segur naiz behin baino gehiagotan izan girela denak holako eszena baten lekuko: kontzertura joan, batzuk momentuaz goza, bertzeek mugikorra poltsatik atera eta kontzertua telefonoaren pantailaren gibeletik begiratzen hasi.

Ostatura joan, ondoko mahaikoek elkarren artean hitz egiteko partez, bakoitzak bere telefonoa begiratzen du. Platerak arribatzean, ziztu bizian mugikorra atera bideo baten grabatzeko, ez baita jaten hasten ahal sare sozialetan bideoa partekatu aitzin.

Kalean ibiltzean, parekoak burua beheiti, telefonoari so, zuk duzu kasu eman behar elkar ez kunkatzeko.

Gertakari bortitza karrikan pasatzean, laguntza ekarri ordez, batzuk filmatu eta sare sozialetan partekatzen dute “buzz”-a egiteko ala arrakasta ukateko.

Zuzeneko bizirik ez da gehiago, dena da digitala. Teknologia berriak, gero eta toki gehiago hartzen ari dira, jendartearen ...

Irakurri segida

Gurekin harremanetan sar