Herria | Herriz Herri

Dolu - Erramu eta Pazko

Dolu

Gure jaun erretorrari ama hil zaio, nahi ukan du meza bat eman, hau Brazzaville hirian amaren ehorzketa tenore berean (15:00), Iholdiko elizan, jendalde ederra bildu da. San Bladi parropiako bortz herrietarik, jaun erretorrarekin juntatuz kantu eta otoitzetan parte hartuz, sustengu ekartzeko berexte horren latzari.

Azpimarratzeko bortz herrietako auzapezek beren presentziaz ohoratu dute ehortz meza hori.

Gure bihotzeko doluminak eskaintzen dizkiogu Germain gure jaun erretorrari.

Erramu eta Pazko

Igandean benedizionea emana izanen zaie erramueri, parropia bakotxean meza aitzin, ibiakoitzetik haste. Pazkoko mezendako, so egin parropiako hostoetan. Pazko on deneri.

3781. zbk

Gure Hitza | 2025/04/10

Justizia, nork eta norentzat?

Ainhoa Etchenique

Justizia "Eskubideak eta betebeharrak modu bidezko eta egokian banatzea, legeek eta printzipio moralek gidaturik" definizioan oinarritzen da.

Teorian, justiziak denentzat berdina izan beharko luke, baina praktikan, botereek, aberastasunek edo harreman politikoek epaiketa eta zigorretan eragina dute. Pertsona arrunt batek eta eragin handiko politikari edo enpresari batek ez dituzte beti ondorio berak jasanen arau hauste berarengatik. Justiziaren neutraltasuna eta berdintasuna zalantzan jarriak dira.

Injustizia handia bada munduan zehar, baina urrunegi joan gabe ere ikusten, entzuten eta senditzen da. Nork ez ote ditu entzun besteak beste Marine Le Pen, Nicolas Sarkozy eta Gérard Depardieuren afera justizialak?

Nicolas Sarkozy eta Marine Le Pen bi figura politiko nagusiak kondenatuak izan dira. Marine Le Pen-i 4 urteko presondegi zigorra eman zaio, 100.000 euroko isuna eta 5 urteko hautagarritasunik ez. Diru publikoa desbideratzeagatik akusatua da, 4 milioi...

Irakurri segida

PDFa jaitsi