Euskal diaspora | 2025eko Apirilaren 10a

Bruselan Hordago, Erramu Igandea, Zabalbeaskoa eta Aberri Eguna

Joseba Etxarri

EUSKAL%20HERRIA%20BATERA.%20Carlos%20Etchepare%20euskal%20argentinarra_%20Diasporako%20euskaldunen%20izenean%20deiturik%20apirilaren%2011n%20Aberri%20Eguneko%20ekitaldi%20bateratua%20egitera%20Donostiako%20Kursaalen — EUSKAL HERRIA BATERA. Carlos Etchepare euskal argentinarra, Diasporako euskaldunen izenean deiturik apirilaren 11n Aberri Eguneko ekitaldi bateratua egitera Donostiako Kursaalen

BRUSELA.

Mus txapelketa antolatu du Bruselako Euskal Etxeak (BEE) aste huntako ebiakoitzean, apirilaren 12an, 15:00etarik goiti elkartearen egoitza berrian (153 Émile Féron, 1060 Brusela-San Gilles). Nornahik parte har dezake, prezioa 25 euro/bikoteka, eta bazkideek kitorik. Aise bazkidetzeko bidea da, bazkide bazira eskubideak biltzen baitituzu Euskal Etxearen gainerateko ekitaldietarako. Bazkidetza arrunta, 30 euro pertsonaka; 25 euro gazteentzat; eta 50 euro familiek. Emaila:bruselakoeuskaletxea@gmail.com.

SAN FRANTZISKO.

Heldu den igandea Erramu Eguna da eta Aste Saindua ate joko dugu. Ohi bezala, San Frantziskoko euskal komunitateak Erramu Meza eginen du hiriko Notre Dame de Victoires elizan, Elgarrekin korala eta Klikarekin (9:00) eta segidan txokolate beroa eta kruasantak zerbitzatuko ditu han berean. (11:00) pilota partidak jokatuko dira Gure Euskal Etxeko kantxan, tokiko pilotariekin eta ondoren ohiko bazkari handia eginen, haurren Pazko besta eta opariekin.

ZABALBEASKOA.

Guziek ezagutzen dituzte San Frantzisko aldean, Los Banoseko Amador eta Mary Zabalbeascoa, kuple eta familia zinez atxikia eta langilea, Amador Bizkaiko Akorda herriskakoa eta Mary Kalifornian sortua aitama euskaldunen alaba. Seme Mikel klubean dute, lehendakari, eta seme Julian irakaslea eta idazlea ere bada. 2024an argitaratu berri du bere lehen eleberria Julianek, titulua "What we Tried to Bury Grows Here" (Ehorzten saiatu ginena hemen hazten da), komentario eta iritzi arras onak biltzen ari den obra, testuinguru eta protagonista euskaldunekin. AEB osoko lekuetan aurkeztu du, eta heldu den igandean (15:30) Gure Euskal Etxean aurkeztu eta aleak sinatuko ditu, Gure Euskal Etxean; eta astelehenean SFOko Bookshop West Portal-en. Gehiago jakiteko, Basqueeducational.org.

ABERRI EGUNA.

Berez Aberri Egunerako astebete falta bada ere, ostiral huntan, apirilaren 11n, Euskal Herriko jende multxo batek, Diasporako kideak ere, Euskal Herria Batera izenpean, deialdi bateratua zabaldu dute, Diasporako lagunak ere bilarazteko Donostiako Kursaalen, zortzi herrialdetako euskaldunak bat eginik euskal nazioaren alde. Ikus aberrieguna.eus.

Justizia, nork eta norentzat?

Ainhoa Etchenique

Justizia "Eskubideak eta betebeharrak modu bidezko eta egokian banatzea, legeek eta printzipio moralek gidaturik" definizioan oinarritzen da.

Teorian, justiziak denentzat berdina izan beharko luke, baina praktikan, botereek, aberastasunek edo harreman politikoek epaiketa eta zigorretan eragina dute. Pertsona arrunt batek eta eragin handiko politikari edo enpresari batek ez dituzte beti ondorio berak jasanen arau hauste berarengatik. Justiziaren neutraltasuna eta berdintasuna zalantzan jarriak dira.

Injustizia handia bada munduan zehar, baina urrunegi joan gabe ere ikusten, entzuten eta senditzen da. Nork ez ote ditu entzun besteak beste Marine Le Pen, Nicolas Sarkozy eta Gérard Depardieuren afera justizialak?

Nicolas Sarkozy eta Marine Le Pen bi figura politiko nagusiak kondenatuak izan dira. Marine Le Pen-i 4 urteko presondegi zigorra eman zaio, 100.000 euroko isuna eta 5 urteko hautagarritasunik ez. Diru publikoa desbideratzeagatik akusatua da, 4 milioi...

Irakurri segida

Gurekin harremanetan sar