Herriz Herri - Irisarri (NB) | 2025eko Uztailaren 03a

Pilota

Pilota

Galtzaile

Ez dakit joan den astean aipatu arno gorri xahar hura ozpindu denez, bainan gure pilotariek jokatu finalerdi guziak galdu dituzte. Lehenik, Union Basque elkartearen konduko partidetan, palantxan, pilota betean, lehen mailako Maia Muscarditz-Katixa Vignau Tuquetek galdu dute 19-40 Itsasuarrak-ekoen parean. Xitoetan, June Pareau-Teixa Duhaldek ere galdu dute 35-40 Goizeko Izarraren aitzinean. Esku-huska, Iparraldeko pilota batzordeko finalerdietan, xitoetan, Luis Chohobigarat Palmerin-Luken Arlak aise galdu dute Noizbait-ekoen parean. Bigarren mailako Eneko Etchevers eta Xan Bidart ere galtzaile atera dira 20-30 Abarratiaren aitzinean. Halere, azken bi pare hauek Frantziako xapelgoko final-laurdenak jokatuko dituzte uztail hondarrean.

Igandean

Heldu den uztailaren 6an, gaitzeko eguna dukegu Baigorriko plaza laxoan. Alabainan, lehen mailako Julien Etchegaray eta Julien Arbeletchek finala jokatuko dute Goizeko Izarrako Iribarren-Etchegoinen parean. 17:00etan dugu hitzordua, gure pilotarien sustengatzeko. Ondotik, afaria antolatua da Baigorrin berean, eta nahi duenak parte hartu, gaur (osteguna) arratseko beharko du izena eman, René Muscarditz deituz: 06-86-72-24-71.

Kilometroak kondatuak, norabideak galduak

Ainhoa Etchenique

Modak etortzen eta joaten dira, ez da fenomeno berria. Baina egia errateko, gaur egun numerikoarekin ezagutzen ditugun moda gehienak "denak ez erraiteko" jendartearentzat kaltegarriak dira. Egoera huntaz gehien hunkiak direnak gazteak dira, egoeraz itsutuak baitira, gibeltasunik hartzen ez baitute lortzen. Hori baizik ez dute ezagutu, beraz pantailaren gibelean gertatzen den guzia normala bilakatu da, egunerokoaren parte da.

Gaur egun, pertsona batzu eta sustut belaunaldi gazteagoak, besteentzat bizi direla iduritzen zait. Bakoitzak bere irudia zaintzen du, batzutan tranpa egiteraino ere. Hain zuzen ere, moda fenomeno berri bat bada: Strava aplikazioa. Aplikazio hori telefonoan deskargatzen da, kirol jarduerak grabatzeko eta partekatzeko erabiltzen den kirol sare soziala da. Erabiltzaileek korrika, bizikleta eta beste hainbat jarduera GPS bidez grabatu, datuak aztertu eta besteekin partekatu ditzakete....

Irakurri segida

Gurekin harremanetan sar