Harpealde trinketean

Pilota lehiaketa palantxaz apirilaren 12an bururatu zen. Huna emaitzak:

3. maila: Etcheberry/Ysopet 40, Graciet/ Cazalon 35.

2B: Eyheramendy/Eyheramendy 40, Nouque/Cabalette 30.

2A: Larronde/Larramendy 40, Haiçaguerre/Durcudoy 36.

Lehen maila: Ospital/Carrere 40, Acheritobehere/Domenge 34.

Azken partida horietan ikusle andana pollitak parte hartu zuen.

Pilotariek sari ederrak eskuratu zituzten beti bezala. Jan aitzinekoak hor berean hartu ondoan, pilotari eta laguntzaileek Lekuineko Erramundeia berriki zabaldua den jatetxeko mahain onaren ezagutza egin zuten eta giro hoberenean bururatu.

Merkatua eta esne gordinaz film eztabaida

Maiatzaren 2an ostiralez, Izturitzeko merkatuko laborariek film gaualdia antolatua dute. Lehenik ostiral arrats guziz bezala (18:00/20:00) merkatua izanen da Artetxean: barazki, gasna, esneki, ezti, sagar jus, sagarno, xerriki eta beste, hurbileko ekoizpenak eta gehienak ekologikoak dira salgai.

Egun hortan hilabeteko merkatua izanki laborarien pintxoak salduko dira ere.

Denak gomitatuak gira herriko gelarat “CRU” filmaren ikusteko (21:00). Esne gordina gai garrantzitsuaz film hori egin duen Thibaut Fagonde hor izanen da, laborari andana bat mintzarazi ditu ikusmolde guziak erakusteko, baita medikuntzako ikerlariak ere esne gordinaren alde onak aztertu dituztenak.

Esne gordina hazkurri aberatsa da, ekarpen baikorrekin osagarriarentzat.

Etxe ekoizleek betidanik gasna egiten dute esne gordinarekin, bizkitartean gaur egun esne gordina desagertzeaz mehatxatua da.

Gai hortaz argituak izaiteko parada hori ez dezagula huts egin!