Amotzeko bestak

Uztailaren 4, 5 eta 6an, Senpereko besten segida hartzen dute, usaian baino goixeago, ez dute itzalik egin nahi Iruñeko edo Baionako besteri. Uztailaren 4a ostirala, pilotako finalerdiak izanen dira Mendionde trinketean (18:00 eta 19:00), zintzur bustitzea (20:00) eta zikiroa Ibiliz taldeak animatua (21:00). Etxerat itzultzeko taxiak urririk. Uztailaren 5a larunbata, pala txapelketaren 4 finalak (14:00-17:00),Amotzeko lasterketa, 8,5km (18:00), gaualdi alaitua, aterpean, urririk, ostatu eta errekiak (19:00),Dizkobolo txaranga, EH Sukarra, Xutik etaDJ Doli Soinu Sistema. Uztailaren 6a igandea, meza Santa Madalena kaperan (10:30), pilota partidak frontoian (11:00), zintzur bustitzea (13:00), bazkaria oilaskokiarekin (13:30), Hazparneko Hegalka dantza taldea (16:00), pilotako finala trinketean (18:00), kantaldia "Altzukutarrak" zuberotarrekin (19:00), kantu txapelketa (20:00), gaualdia Mendionde ostatuan (22:00).

Mikel Epalzaren azken obra

Uztailaren 8an asteartearekin (18:30) Larrekon, Mikel Epalza arrantzaleen omonier ezagunak aurkeztuko du bere liburua "Gizatasun arrantzale",erdaraz "Pêcheur dâ€hommes"Coline Renault kazetariarekin idatzitakoa. Lehen argitaratzea frantsesez izanki, lagun batzuen bitartez euskarara itzulia izan da, alabainan iragarri solasaldia euskaraz izanen da. Mikelen bizitza, apez eta arrantzale moduan, biziki aberatsa baita, hunen lekukotasunak hunkiturik utziko ditu partehartzaileak.

Udako ekitaldiak

Uztailean eta abuztuan, astero errepikatzen diren ikuskizun edo ekitaldien egitaraua dugu azaltzen. Astelehenetan, pilota plazan xistera edo joko garbi erakusketak (18:30). Asteartetan (9:00-13:00), Postako plazan, artisauen merkatua ongi animatua, (17:00) bisita gidatua "Mitologia eta sorginkeria, gure historiaren alde gordea", (21:00) dantza ikusgarriak pilota plazan. Ostegunetan (21:00), pilota plazan, indar jokoak, aldiz 11:00tan gorago aipaturiko bisita gidatuak. Larunbatetan (8:00-13:00), usaiako merkatua, karrikako plazan. Zonbait ikuskizun pagatuz dira, diru sartze horiek laguntzen dituzte herriko elkarteak hala nola Spuc pilota edo Zirikolatz elkartea.

Udako jokoak Aintziran

Uztailaren 7tik abuzturen 22ra, 9 eta 16 urte arteko senpertarrek parte hartzen ahalko dute ur gaineko jarduera ludikoetan, kirol hezitzaile batek animaturik. Astelehen, asteazken eta ostiralez(10:00-12:00), aurki daitezke stand up paddle, kanoe kayak eta bertze joko desberdin, prezioa 20€ aste betea. Izan ematea deituz 05-59-54-58-21 edo enfancejeunesse@senpere64.fr.

Ipuinak eta musikakmediatekan

Uztailaren 5ean, larunbatez (18:00), 5 urtez goitiko haurrak gomit dira beren burasoekin "kasu otsoei" ipuin beldurgarrien deskubritzera, euskaraz eta frantsesez. Oren baten iraupena, eman izena deituz: 05-59-54-50-05.

Artisauen merkatuaasteartetan

Nola 20 artisau/artistek osatzen duten Postako plaza (9:00-13:00), uztailaren 8an argipean dugu panpina fabrikatzailea baita Madda trikitilaria bere ikasleekin animatzailea.

Besta Berriri so

Hitz batez aipatzeko, aro onari esker kanpoko zeremonia eta prozesioa biziki ongi joan da. Urtez urte, halako berpizte bat iduri luke, gazteak bereziki elgar mobilizatzen dira, hunen bitartez kolorez beteriko besta sortzen da, jendetsua, ongi kantatua eta kartsutasunean.