Koru kontzertua

Apirilaren 25ean (20:30), Gospel Denbora eta Lauhaizetara koru taldeen kontzertua iraganen da Santa Izpirituko elizan. Amnesty International-en faboretan eta Burundi jendeen eskubideen defendatzaileen sustenguz antolatuko da. Sartzeak 12 euro kostako du 10 urtetik gorakoendako. Erreserbak: Baionako turismo bulegoan.

Pantzo Mantshow

Apirilaren 29an (20:30), Pantzo Hirigaraik bere bakarlari antzezlana emanen du La Luna Negran. Euskal Herriaren egoerari lotuak diren gai desberdin frango jorratzen ditu bere moldean: nahas mahas, Euskaltzaindia eta euskaldun berriak, San Ferminak, Euskal Herriaren independentzia ospatzeko bazkari antolaketa, Covid-aren eragina bozaldietan, emigrante edo etorkinak Baigorrin... Bainan fantasiazko beste aipamen batzu ere proposatzen ditu, hala nola irratilariaren sufrikarioak, lehengo eta oraiko gazteen jokamoldeak amodio konduetan, taloaren lanjerak ikastolentzat, Miss Euskadi eta beste...

Euskaraz izanen da eta urririk. Erreserbatzeko: 05-59-46-60-57 edo euskara@bayonne.fr.

Animazioa

Artozko panpinekin jostatu, etxeko lanetan parte hartu, istorioak entzun supazterrean... Nola ote zen haurren bizia Euskal Herrian duela 100 urte? Hori aztertzeko parada ukanen dute 7 urtetik goitikoek Euskal Museoan apirilaren 30ean (14:00). Xehetasunentzat: 05-59-59-73-50.

Maiatzaren 1eko mobilizazioa

Maiatzaren 1eko mobilizazio bateratura dei egiten dute LAB, CGT, CFDT, FSU eta Solidaires sindikatuek. Faxismoaren eta kapitalismoaren aitzinean, klase elkartasuna eta borroka aldarrikatuko dira, eta baita aberastasuna, enplegua eta zaintza lanak banatzeko beharra ere. Maiatzaren 1a ezinbesteko borroka eguna dela iragarri dute sindikatuek, mundu osoko langileriarentzat, langile izatearen harrotasuna aldarrikatzeko eta justizia sozialaren alde borrokatzeko.

Mobilizazio bateratua tren geltokitik abiatuko da (11:00).