Herriz Herri - Azkaine (L) | 2025eko Uztailaren 03a

Erakusketa - Ziburuko estudiantina

Erakusketa

Uztailaren 5etik 14ra, JoÃ«l Dagès-en ehungintzako lanen erakusketa iraganen da Serreseko kaperan, egun guziz (15:00-20:00). Erakusketaren izena "Ekaitza hasteko puntuan" da: hodeiak zeruan, airea heze, zerua belzten, ekaitza altxatzen ari da, euria jadanik sentitzen da.

JoÃ«l Dagès-en lanetan kolorearen eta marrazkiaren jolas nahasiak paisaia abstraktuak, egoera meteorologikoak, sentsazioak ekartzen ditu gogora. Ezer ez dago finkaturik, dena mugitzen ari da.

Kolorea tresna ezin hobea da gaiaren sentimendu sentsual eta barnekoetara iristeko. Kolorea berehala emozio, desbideratze eta ametsa da. Haren baitan zerbait pilpiraka dabil eta are gehiago arreta gutiagoz aplikatzen denean, marrazkiaren marra segitzen ez duenean, bainan bazterretan isurtzen delarik. Forma finko menpea baino gehiago, kolorea gainditzen da eta gainditzean, mugetatik kanpo halako mugimendu bat sortzen du.

Ziburuko estudiantina

Uztailaren 6an (17:00), Ziburuko estudiantina herriko elizan arizanen da, Ravel, Fauré, Bizet, Saint-SaÃ«ns eta Debussy bezalako klasikoekin. Urririk izanen da.

Kilometroak kondatuak, norabideak galduak

Ainhoa Etchenique

Modak etortzen eta joaten dira, ez da fenomeno berria. Baina egia errateko, gaur egun numerikoarekin ezagutzen ditugun moda gehienak "denak ez erraiteko" jendartearentzat kaltegarriak dira. Egoera huntaz gehien hunkiak direnak gazteak dira, egoeraz itsutuak baitira, gibeltasunik hartzen ez baitute lortzen. Hori baizik ez dute ezagutu, beraz pantailaren gibelean gertatzen den guzia normala bilakatu da, egunerokoaren parte da.

Gaur egun, pertsona batzu eta sustut belaunaldi gazteagoak, besteentzat bizi direla iduritzen zait. Bakoitzak bere irudia zaintzen du, batzutan tranpa egiteraino ere. Hain zuzen ere, moda fenomeno berri bat bada: Strava aplikazioa. Aplikazio hori telefonoan deskargatzen da, kirol jarduerak grabatzeko eta partekatzeko erabiltzen den kirol sare soziala da. Erabiltzaileek korrika, bizikleta eta beste hainbat jarduera GPS bidez grabatu, datuak aztertu eta besteekin partekatu ditzakete....

Irakurri segida

Gurekin harremanetan sar