Eusko Jaurlaritzak ireki du "Moves III 2025 programaren" diru laguntzak eskatzeko epea. Energiaren Euskal Erakundeak ibilgailu elektrikoak erosteko 7.000 eurorainoko dirulaguntzak eskaintzen ditu, webgunearen bidez hautagaitza pausatu behar da. Orotara 14,9 milioiko aurrekontua da, 8,4 milioi ibilgailu elektriko berriak erosteko eta 6,5 milioi kargatze guneak instalatzeko. Aurreikuspenen arabera, programa horri esker Euskadin 2.000 ibilgailu elektriko gehiago izanen dira. 2025eko urtarrilaren 1etik aitzina egin erosketei aplikatua da, ordutik partikularrek erosi dituzten ibilgailuentzat dirulaguntzak ukaiten ahalko dituzte.

Ibilgailu zaharra ez da baitezpada burdineria bihurtu beharko, baina hala eginez gero dirulaguntzaren kopurua handiagoa izanen da. Mikel Jauregi Eusko Jaurlaritzako industria sailburuak azpimarratu du neurriaren helburua dela gutiago kutsatzen duten ibilgailuak erosteko...

Gatikako (Bizkaia) azpiestazio elektriko berria eraikitzeko lanak aitzina doaz, Espainiako Redeiak eta Frantziako RTE homologoen %50eko partaidetzarekin. Azpiegitura 2028an martxan jarriko da. Red Electricaren arabera, konexioa "ahula" da Europako gainerako herrialdeekin, funtsezkoa izanen da konexio energetikoa indartzeko.

Inelfe enpresak bultzatu proiektuak Gatika Frantziako Cubnezais herriarekin (Bordele eskualdean) 400 kilometroko kableak konektatuko ditu, 300 kilometro itsaspean. 400kV-ko loturari esker, egun diren 2.800 megawatteko indarra handituko da, hau da penintsulako energia kontsumoaren...

Ekainean egin Euskal Soziometroaren ikerketaren arabera, EAJ eta EH Bildu bi alderdiek Eusko Jaurlaritzan 28 aulki lortuko lituzkete eta PSE-EEk 11. Abstentzioa %41ekoa litzateke. Jaurlaritzako prospekzio soziologikoen kabineteak argitaratu azken Euskal Soziometroan, Eusko Legebiltzarrerako hauteskundeetan EAJren eta EH Bilduren arteko berdinketa aurreikusia da.

2025eko ekainaren 17tik 20ra bitartean egin galdeketaren arabera, PSE-EE hirugarren indarra litzateke, 11 ordezkarirekin eta PPk 7 eserleku lortuko lituzke, Voxek 1, Sumar eta Elkarrekin Podemos kanpoan geldituko lirateke.

Boto estimazioari dagokionez, EAJk eskuratuko luke boto gehien (%36,1), ondotik EH Bilduk (%31,3), PSE-EEk (%13,9) eta PPk (%8,9). Datu garrantzitsua abstentzio-indizea da, azterlanaren arabera %40,7koa da, azken emaitzan erabakigarria izan daiteke.

Irakurri segida

Alkizaren (Gipuzkoa) eta Gernikaren (Bizkaia) bidetik, erabaki hori hartzen zuena Plentzia herriarena izan zen (Bizkaia). Plentzia herriak lehen urratsa eman zuen, Alkiza eta Gernika ondotik etorri ziren. Aldi honetan, Baztango Herriko Etxeak du erabakia hartu: "euskal errepublikaren parte" izatea bozkatu du. EH Bilduk eta Zurekin Baztanek horren alde bozkatu dute, Geroa Bai, UPN eta Baztango Independenteak taldeek kontra. "Euskal errepublikaren parte" aldarrikatzen duen laugarren Herriko Etxea da.

Hasi da hegaluzearen denboraldia, orain arte Getariako portura 8.000 kilo etorri dira. Datozen egunetan euskal arrantzaleek arrantza handiak espero dituzte eta arraina kostaldetik hurbil izanez hegaluze anitz atzematea. Lehen hegaluzeen sal-neurri kiloko prezioa 13 eurotan da.

Donostian euskal hiztunaren profila zahartzen ari da. Ondorio hori Herriko Etxeak agertu du, Siadeco elkarteari galdegin ikerketaren emaitza ukan eta. Udalak iazko udazkenean Siadecori eskatu zion hiriko hizkuntzari buruz datuak agertzea. Iragana oinarri hartuta, hamar urte barne Donostian zer hizkuntza joera izan den ikertu du. Juanjo Allur eta Unai Oiartzun Siadecoko kideek azaldu dute biztanleen erroldak ezinbestekoak izan direla ikerketaren metodologia garatzeko.

25 urtetik beherakoen artean, azken 30 urteotan euskararen ezagutza maila lehen aldiz jautsi da. 45 urtetik gorakoen artean igan da. Horrez gain, euskal hiztuna izanik ere, gazteleraz aiseago sentituko diren herritarren kopurua handitu da.