Buruilaren 20an gure elizan iragan da ezkontzako sakramentuaren zelebrazione ederra. Esposak ginituen Damien Eyharts Uztaritzekoa eta Clémence Delon Tolosa Okzitania aldekoa. Damien-ek nahi ukan du bere aitaren sorterriko elizan ohoratu bere biziko urrats handi hori eta gomitatuak zituen Oztibarreko koralean ari diren kantariak. Beraz eman ditugu kantu euskaldunak bai eta frantsesak Isabelle Haizaguerre ginuela organoan eta gitarrista arras ona ere bazen. Meza sainduaren emaile ginuen Barnetche apeza, Uztaritzeko jaun erretora. Azpimarratzekoa dena dugu esposek beren engaiamenduak emaiteko mementuan, ikusi ahal ukan dugula Alicia urteko haurñoa beren burasoen besoetan, zinez hunkigarri baitzen.

Ondotik, Hitta etxerat joaiterat gomitatuak ginen ezteiliar eta koralekoak argazkiaren hartzeko; hor ere berezitasuna ikusi dugu, zeren "drone" bat ginuen gure gaineko aldean etxea bere osotasunean hartzen zuena, ezteiliarrekin batean, argazkietan.

Gero ezteiliar eta koralekoak joan dira Labetze Bizkai auzoan den jauregi baterat arratsalde paregabe baten pasatzerat, horko parkean arras aro onarekin.

Arrastirian, hor gastatuak izanik, koralekoak etxerat joan dira eta gomitak afaltzeratsartu dira, sala ederrerat, nun gaualdi oroigarria pasatu duketen.

Orain, nahi ditugu eskertu Damien eta Clémence gure herriari eta aitaren etxeari atxikimendu hori agerturik.

Gure aldetik, desiratzen diegu osagarri on familian eta suerte beren lan seriosean, zeren medikuntzan ari baitira, biak kardiologoak direlarik.