EAJ eta PSE-EE alderdiak buru duten Zarauzko herriko kontseiluak Juan Paredes “Txiki” eta Angel Otaegi ETAko bi militanteen fusilamenduari buruzko erakusketa egiteko herriko gelen erabiltzea ukatu baitu,EH Bilduko legebiltzarkide Itziar Murua Eusko Jaurlaritzari zuzendu zitzaion joan den irailaren 26an. Maria Jesus San Jose Giza Eskubideen sailburuaren ustez, Eusko Jaurlaritzak herriko etxeen “autonomia errespetatzen” du. Giza Eskubideen sailak libre utzi behar ditu herriak “bai Zarauzkoa aretoa ukatzeko, bai eta Azpeitikoa ere erakusketari baiezkoa emateko”. Horiek horrela, Maria Jesus San Joserentzat, erakusketen narratibek lagundu behar dute azaltzen “indarkeria ez dela zilegi, inoiz ere ez, ez lehen eta ez orain”.

Iratzar eta Olaso Dorrea fundazioek antolatu erakusketa EH Bilduren Zarauzko egoitzan da ikusgai egunotan. “Txiki” eta Otaegi biktima gisa...

Euskalgintzaren Kontseiluak deiturik, euskararen normalizazioa eta biziberritze prozesua “moteldu” eta euskal hiztun komunitatea “larrialdi linguistikoan” dela salatu du Batuz Aldatu dinamikak, 113 sinatzaileren sustenguarekin, joan den ostiralean Donostiako Miramongo Parke Teknologikoan. Ekitaldi horretan “pizkunde berria” ekar lezakeen Itun Soziopolitiko berria aurkeztu dute, “adostasun soziala oinarri”.

Idurre Eskisabel Euskalgintzaren Kontseiluko idazkari nagusiak azaldu zuenez, Itun Soziopolitiko berriak “paradigma aldaketa”bat proposatzen du, “hizkuntza eskubideak erabat gauzatzea” helburu. Aldaketa horretan, ardatzok izanen dira nagusi: “euskararen ezagutzaren unibertsalizazioa, ofizialtasun-estatus berdinzalearen lortzea eta komunitate euskaldunaren ahalduntzea”.

Batuz Aldaturekin bat egin nahi duenak https://kontseilua.eus/batuzaldatu helbidean atzemanen du...

Sei hilabete oso daramazkiete lana utzirik Gasteizko Herriko baratzezainek, aitzin-pausorik gabe eta manifestaldi handi baten esperoan. Herriko baratzezainen eskakizunak dira dagokien hitzarmen berezia eskuratzea, hilabetesarien goratzea eta lan-baldintza duinen erdiestea.

Gasteizko baratzezainek joan den martxoaren 26an hasi zuten greba. Herriko Etxeak Enviser izena duen enpresari eman dio baratzeen eta baratzezainen zerbitzuen kudeaketa. ELA, ESK eta LAB sindikatuek sustengatzen dituzte langileak. Gasteizko Herriko Etxeari galdegiten diote Enviser enpresarekin duen hitzarmena haustea. Momentuz, bitartekaritza lan orok huts egin dute.

“Israel Palestinan egiten ari den genozidioaren testuinguruan,Elkar argitaletxeakerabaki du Beasaingo Udalak,CAFek eta argitaletxeak berak antolatzen duten Igartza bekarekin ez segitzea, etabeka bertan behera geratuko da”.Hitzon bidez jakinarazi duElkar argitaletxeakez duela idazle gazteak laguntzeko Igartza beka segiaraziko.

Elkar argitaletxearen erabakia Saioa Alkaiza bertsolari eta idazle nafarrak aurtengoIgartza sariariukoegin eta hamar egunera jin da.“Palestinar herriaren kontra gauzatzen ari den genozidioan CAFek duen inplikazioa” salatu zuen iruindar sortzaileak eta hamar mila euroko dirulaguntzari muzin egin zion.

Igartza beka 1998an sortu zen. Lehen irabazlea Julen Gabiria izan zen Connemara gure bihotzetan obrarekin. Fernando Morillo, Asel Luzarraga, Miren Amuriza, Uxue Alberdi, Eider Rodriguez ala Maddi Ane Txoperena izan ziren irabazleetan, besteak beste.

Zeru ahoak. Estoldek irensten dutena Koldo Almandoz donostiar zine zuzendariak ekoitzi duen azken telesaila da. “Euskal noir” delako polizia eta thriller giroko eleberri ala telesailen azpigeneroan kokatzen da eta aurtengo Donostiako Zinemaldiko Sail Ofizialean erakutsia izan da, lehiaketatik kanpo.

Zeru ahoak Bilbon kokatzen da eta lau kapituluz osatua da. Aktore dira Nagore Aranburu, Joxean Bengoetxea, Miren Gaztañaga eta Ramón Agirre, besteen artean. Filman Nerea García Ertzaintzako kide ohiaren gorabeherak segitzen dira, hainbat hilketen inguruan eta jendartearen aurpegi beltzena erakusten da.

Zeru ahoak telesailean Pello Lizarralderen, Garazi Arrularen eta Pier Paolo Pasoliniren euskarazko liburuak agertzen dira, zesta puntako jokalariak, Anariren ala Benito Letxundiren musikak, ala Berri Txarrak taldearen leloak, demagun.

Koldo Almandozek Hondar ahoak telesaila aurkeztu zuen duela lau urte....