Kultur animazio desberdinak

Espelletenian ere sartzea da, aurten kultur ekitaldiez gain, berrikuntzak badira.

Menta liburu-busa bi ostiraletarik behin (15:00-19:00), Larzabalen geldituko da. Liburuak manatzen ahalko dira lekuan berean ala 09-88-54-57-47ra deituz.

Baipelleteniaren Irakurleen Kluba elkarteak, urtean zehar animazio desberdinak antolatuko ditu.

Euskara ikasteko AEKko talde bat urritik goiti bilduko da. Momentukoz 7 dira, leku batzuk gelditzen dira. Lekua atxikitzeko deitu 05-59-65-89-21era.

Bertsu eskola bi asteazkenetarik behin bilduko da eta deneri idekia. Informazio gehiagorentzat ala izena emaiteko: 06-32-25-94-73.

3803. zbk

Gure Hitza | 2025/10/02

Palestinari bai

Peio Jorajuria

Urriaren 7an bi urte eginen ditu Hamas talde armatuaren ezin onartuzko ekintza terrorista obratu zela Israelgo lurretan. Geroztik infernua bizi du Gazako lurraldeak, palestinar populua, hangoa eta Zisjordaniakoa, behin betikoz erraustu nahi baitu Israelgo gobernuak, hau ere terrorismoari osoki emanik. Mendeku hutsez egiten ari duena hitz bakar batez laburbildu daiteke: genozidioa. Eta hori Amerikar Estatu Batuen laguntza osoarekin eta orain arte bederen Europaren konplizitatearekin. Nola ulertu Errusia zigortzen duela Europak Ukraina inbaditzeagatik eta ez Israel, Palestinan sarraskia are odoltsuagoa delarik?

Balirudike herri batzuk iratzartzen hasi direla, hala nola Frantzia, joan den astean Nazio Batuen egoitzan palestinar estatuaren onarpena aitorturik. Ordu zen! Beste herri askok jadanik egina zuten gutieneko urrats hori. Urrats sinbolikoa ala gerora...

Irakurri segida

Gurekin harremanetan sar