Botzak maiatzaren 3an entzungai izanen dira. Finalerdietako hiru saioak, Gure Irratia, Irulegiko Irratia eta Xiberoko Botza irratiek antolaturik, aldi berean eginen dira Lapurdin, Baxenabarren eta Xiberoan. Publikoa gonbidatua da Armendaritzeko Zuentzat gelara, Larresoroko herriko gelara eta Barkoxeko arrabotira, kantari gazteak ezagutzeko. Txapelketa hiru kategoriatan banatua da: bakarlariak, bikoteak eta taldeak; horiez gain, publikoaren saria eta sari bereziak ere banatuko dira. Txapelketan 6 eta 15 urte arteko haurrek hartzen dute parte, bi kategoriatan banaturik: haurtxoak (6-11 urte) eta gaztetxoak (12-15 urte). Ehun bat gazte kantari igurikatzen dira aurten. Parte-hartzaile guziek sari bat ukanen dute, beren parte-hartzea sariztatzeko. Lapurdiko saioan 150 bat kantarik hartuko dute parte. Goizean 12-15 urtekoen saioa iraganen da (11:00), eta arratsaldean (15:00) 6-11 urtekoena. Baxe Nafarroako saioan 130 bat kantari bilduko dira, 6-11 urtekoen saioa (10:30), eta 12-15 urtekoena (15:30). Xiberoko saioan, berriz, 200 bat kantari igurikatzen dira. Saioa 15:00etan hasiko da.

Finala ekainaren 6an, larunbatez, Altzai-Altzabeheti-Zunharretan izanen da, eta adin-talde bakoitzeko 25 onenak bilduko dira han.