“Argantzunek Trebiñu Eguna” ospatua izan da, Gaztela eta Leongo Gobernuaren menpe den herri hau Arabako probintziaren parte izan dadin galdegina izan da. Besteak beste, Trebiñuko herritarrei euskarazko hezkuntza publikoa bermatzea lortu nahi zaie, bai eta bertan bizitzeagatik jende anitzek dituzten zailtasun administratiboak desagertzea. Horretaz gogoetatzeko, iaz integrazio mahai bat plantan jarri da, PPk salbu alderdi politiko guziek egitasmoa babestu dute. EAJ alderdi politikoaren presidente den Aitor Estebanek segurtatu du Arabako herritarrek sartzeko duten nahikaria betea izan dadin bere esku dagoen guzia egiten jarraituko duela. Zentzu horretan, trebiñarren eskakizuna estali nahi izatea onartezina dela adierazi du: “Trebiñu Araban da, ez da logikoa Gaztela eta Leonen menpe jarraitzea, herritarrek nahi dutena errespetatu behar da”.

Donostiako Jon Insausti auzapezak uda aitzin tasa turistikoa plantan jarriko zuela aipatu zuelarik, eztabaida piztu da. Javier Hurtado Eusko Jaurlaritzako turismo sailburuak adierazi du 2027a baino lehen ez duela uste bideragarria denik, epe teknikoak direla eta. Sailburuak uste du ezinezkoa dela uda baino lehen abiatzea. Eider Mendoza Gipuzkoako ahaldun nagusiak zioen akordio batetara heltzeko Gipuzkoako Batzar Nagusian eztabaidatuko dutela.

Kanabisa da Euskadin gehien atzematen den droga, kokainaren aitzinetik. Iaz Ertzaintzak 7.500 marihuana landare harrapatu zituen. EITB Dataren azken azterlanetik dira zenbaki horiek agertu. Ikerketa horretan Hego Euskal Herrian kanabisaren kontsumoa aztertu da. Txostenak hainbat ikerketen eta inkesten datuak bildu ditu: drogen kontsumoa, mendekotasun arriskuak, legeztatze neurriak eta atxiloketen bilakaerak dira kontutan hartuak izan. Hermelo Molero Bilboko polizia-etxeko Droga Taldeko ertzainak azaldu duenez: “Marihuana gehiago ekoizten da hemen kontsumitzen dena baino. Horren ondorioz, gure lurraldean kokatutako talde kriminalek ekoizpenak kanpoan saltzen dituzte, bereziki Europan”.

Hego Euskal Herrian kanabisaren kontsumitzen hasteko batez besteko adina 18 urte ingurukoa da. Kanabisaren kontsumoa aztertu den ikerketa honetan, hainbat txosten eta inkesta datu bildu ditu, drogen kontsumoari, mendekotasun arriskuari, legeztatzearen...

Eusko Jaurlaritzako Osasun Sailak ohartarazi du alkoholaren eta psikofarmakoen ohiko kontsumoaren prebalentzia handia dela 65 urtetik goragoko pertsonen artean. Osasun Publikoaren eta Adikzioen Zuzendaritzak egin txosten batek agertzen du. Txosten horren arabera, gizonen %40ak egunero alkohola kontsumitzen du eta emazteen artean gora egin du lo-eragileen eta lasaigarrien erabilerak. Txostenak erakutsi duenez, adineko gehienek ez dute kontsumo arazorik, baina substantzia jakin batzuk maiz eta modu jarraituan erabiltzen dituzte, horrek pertsona horien osasunean ondorio larriak ekar ditzake. Alkoholaren kontsumoari dagokionez, datuek erakusten dute Autonomia Erkidegoko adinekoen egunerokoan substantzia hori anitz presente dela. Gizonen bi herenek eta emazteen heren batek azken hilabetean alkohola kontsumitu dute. Gainera, adinekoen erdien ustez, egunero kopa bat edo bi hartzeak ez du arazorik sortzen. Horrek agerian uzten du arriskuaren ezagutza ttipia dela. Psikofarmakoen kontsumoari...

Torturaren zazpi biktimek ekimen bateratua abiatu dute, Espainiako justiziari eskatzeko beren kasuak berriro irekiak eta ikertuak izan daitezen. Giza Eskubideen Europako Auzitegiak azken urteotan tortura kasu hauek ez ikertzeagatik Espainia hamar aldiz zigortu du. Oihan Ataun, Patxi Arratibel, Mikel San Argimiro, Martxelo Otamendi, Xabier Beortegi, Iñigo Gonzalez eta Bea Etxebarria dira ekimena abiatu dutenak, Iruñean agerraldia egin dute Oscar Sanchez eta Iratxe Urizar abokatuekin batera. Iratxe Urizarren hitzetan: “Torturak Euskal Herrian duen historia luzea da, luzea da baita ere Espainiak instantzia ezberdinetatik jaso duen kondenen zerrenda”. Raul Fuentesen eta Iratxe Sorzabalen kasuak ekarri ditu gogora, azpimarratzeko tortura kasuek ez dutela preskribatzen. Nazio Batuen Torturaren kontrako batzordeak Raul Fuentesen kasuan eta Auzitegi Nazionalak Iratxe Sorzabalenean hori onartu zuen. Gaineratu du: “Horrek eraman gaitu pausoa ematera. Hemen zazpi tortura kasu...