Euskal jokoeri ateak zabalik

Senpereko Herri kirolak elkartearen ekimenez, euskal jokoeri buruzko ate idekiak iraganen dira, maiatzaren 1ean, Ibarrungo pilota plazan (9:00-12:00). Publikoa harremanetan sartzen ahalko da kirolariekin baita ere kirol desberdinen saiatzeko aukera ukanen dute, iniziazio moduan. Hurbildu goxoki, elkarte hunen aktibitatearen deskubritzeak merezi bailuke, ekitaldia urririk.

Familien Departamenduko Egunak

Hiru Irri elkarteak, lehen haurtzaroaren bitartekaritza sortu zuen burasoak eta haurrak eguneroko garapen hobe baten inguruan informatzeko eta laguntzeko asmoz. Maiatzaren 4tik (astelehena) maiatzaren 7ra (osteguna), urririk diren tailerrak proposatuak izanen dira Ainhoa, Sara eta Senpereko herrietan. Aurtengo edizioko gaia “Orekak” deitua da. Egitarau aberatsa eta denentzat eskuragarriaren bitartez, haurren eta burasoen egunerokoa antolatzen duten oreka horiek agerian ezarri nahi ukan dituzte: jokoa eta ikasketaren arteko oreka, emozioen eta deskubriketen artekoa.

Topaketa Kulturaleri begira

Azkeneko egun hauetan izan da ekitaldi asko eta asko, zonbaitek merezi dute behako bat. Epaulard Senpere elkarteak, bere ontzi-maketa ederrenak ikusgai ezarriak zituen, antolatzaileen erranetan jende gutixko ibili zaiote. Arte lanbideen erakusketak ikusmin gehiago sortu du, hurbildu den publikoak interes handia erakutsi baitu. Arbaso elkarteko kideek zioten harreman zinez aberatsak iragan direla ikusle eta artisten artean. Zirikolatzeko dantzariek animatu dituzte igande goizeko mutxikoak. Igande arratsaldean aldiz Zarena-Zarelako-ak dantza koreografia distiratsuarekin arizan dira, amaturrak izanik ere profesionalen heineko ikusgarriak aurkezten dituzte.

Iraupen lasterketa zaldiz

Euskal Team Endurance zaldiketa taldeak antolatuak zituen apirilaren 18 eta 19an bi lasterkaldi 60 kilometrokoak, aintziran abiatzea baita itzultzea ere. Zaldiketa inguruko zale anitz bildu dira aintziran, ikusmin ederra sorturik. Horrelako eginahalen ondotik zaldien ureztatzea nahitaezkoa da baita zaldunak ere.

Batteleku lehiaketaigandean

Maiatzaren 2an (11:00), Senpereko aintziran abiatuko da Ur Ikara elkarteak antolatzen duen urteko lehen lehiaketa. Karia hortarako, kurtsa eta iniziazioetaz kanpo, Kattalin Elizalde ikastegiak proposatuko ditu ostatu eta talo mahainak, jarraitzaile eta ikusleak ongi goza diten. Ez huts egin Herri Urrats aitzineko ekitaldia.