Sokobia Etxezaharreko Mayi Donapetry ama xaharra joan zaigu 90 urtetan. Jean senarra 2021ean galdua zuen.

Bitxiateiko Mayi Harambourek eta Mendiburuko semeak, bi herritarrek, Lurden ostatu hoteletan lan egiten zutelarik ezagutu zuten hurbiletik elgar. Ezkondu eta Sokobi-Etxezaharria etxaldea bereturik laborantxari lotu ziren eta hor ereman dute beren bizi osoa behi, ardi, ahate eta besteekinlan eginez,izariz kanpoko tresneriarik gabe.

Emazte langile eta finaren oroitzapena uzten du. Etxetik kanpo ere zerbitzu egiten jakin du bere denboran.

Ama eta amatxi biziki estimatua zen. Etxean bere lau haurretaz inguratua zelarik eman du azken hatsa.

Apirilaren 16an, eliza osoki betean, iragan dira ehorzketa gogotik kantatuak Xipri Arbelbide apezak inguruan zituela Tote Saldubehere eta Xobur Martinon apezak, familiaren ezagunak; orgina joile: Marie-Rose Arotçarena Donamartirikoa.

Marie-Jose, Maite, Marie-Pierre alaberi, Xavier etxearen segida hartua duen semeari, hauen bizi lagun eta haurreri bai eta hunkiak diren guzieri dolumin sentikorrenak eskaintzen dizkiegu.