Dolu

Bere azken egoitzara segitu dugu Mixel Mongabure Biamuntean sortua. Bere bizian osagarri nekeziak ukan ditu, orain bazuen zenbait denbora Hazparneko erretira etxeratua zela, hor utzi gaitu 65 urtetan.

Ehorzketak gure elizan izan ditu jendalde pollitaren inguruan, jinak otoitz eta kantuetan parte hartuz hondar ezagutza agur baten egitera, bai eta familiaren penan parte hartzera, zoini gure bihotzeko doluminak eskaintzen dizkiogun.

Ezkontza

Egun berean arratsaldean baginuen ezkontza, behar bada anitzek ezagutzen ez dutena, Jean David Genevieve Isabelle Melet andrearekin.

Jean David lehenagoko okindegian ari da bere kondu lanean bixkotxa mota batzu eginez, merkatuetan saltzen dituenak eta arrakasta handia dutenak. Bikotea herrian bizitzekoa, gure partetik bizi zoriontsua desiratzen dakotegu. Espos meza ederra ukan dute herriko kanta taldeak laguntzaile, urrunetik baitziren gomitak ere jinak, loriatu direla zioten ateratzean.

Goresmenak

Goraintziekin betan, aste hondar huntan gure herriak ukaiten baitu aipamen, Baionako xingar ferian gure herritar Michel Istillar-ek ereman baitu lehen saria. Biba hi Michel eta agian berriz ere gertatuko zauku.